________________
આ વ્રતના બે પ્રકાર છે. ૧. જે વખતે પરિગ્રહનું પરિમાણ કરવાની ઈચ્છા થાય તે વખતે નવે પ્રકારમાંથી જેટલું પોતાની પાસે હોય તેટલાની સંખ્યા વિગેરે નિશ્ચિત કરીને તેટલું જ રાખી તેથી વધારેનો ત્યાગ કરવો, એ એક પ્રકાર. ૨. બીજો પોતાની પાસે હોય થોડું, છતાં જેટલી ઈચ્છા હોય તેટલી મુકરર કરી તે પ્રમાણે નિયમ લઈ, તેથી વધે તે શુભ માર્ગે વાપરવાનો નિયમ કરવો આ ઈચ્છાપરિમાણરૂપ બીજો પ્રકાર. આ બંને પ્રકારમાં વધેલી રકમ એક વરસમાં અથવા છ માસમાં વાપરી નાખવી જોઈએ.
ઈતિ પંચમ વ્રતાતિચારાર્થ.
ઉપર પ્રમાણે પાંચ અણુવ્રતના અતિચાર કહ્યા હવે ત્રણ ગુણવ્રતના અતિચાર કહે છે.
એ ત્રણનું ગુણવ્રત નામ એટલા માટે છે કે એ ઉપરના પાંચે અણુવ્રતને ગુણ-લાભ કરનાર છે. શી રીતે લાભ કે ગુણ કરે છે ? તે હવે પછીના તેના અતિચારમાં સમજાવશું.
૬૬
