________________
આપેલા છે. પાછલા બે આચારના અતિચાર શ્રાવકના અતિચારમાં જ આપેલા છે પરંતુ તે અતિચારો સાધુએ પણ સમજીને આલોવવા યોગ્ય છે.
પ્રાંતે ઉપસંહારમાં સાધુ હોય તો સાધુ, સાધુ-શ્રાવક બંનેને માટે કહે છે; અને માત્ર શ્રાવક જ પ્રતિક્રમણ કરતા હોય તો શ્રાવકના અંગનું વાક્ય શ્રાવક જ કહે છે. (એવંકારે) ઇત્યાદિ)
આ અતિચાર પાક્ષિક, ચૌમાસિક ને સાંવત્સરિક ત્રણે પ્રકારના પ્રતિક્રમણમાં કહેવાય છે પરંતુ તેમાં છેલ્લો શબ્દ બદલવામાં આવે છે. પાક્ષિકને બદલે ચૌમાસિક અથવા સાંવત્સરિક શબ્દ બોલે છે અને તેટલા કાળને લગતા અતિચારો લાગ્યા હોય તે આલોવીને મિચ્છા દુક્કડું આપે છે.
આટલી પ્રસ્તાવના કરીને હવે અતિચારની શરૂઆત કરવામાં આવે છે.
