Book Title: Shastra Sandesh Mala Part 03
Author(s): Vinayrakshitvijay
Publisher: Shastra Sandesh Mala
View full book text
________________ अह भणइ मूलदेवो- 'जं अणुभूअं मए तरुणभावे / तं णिसुणेह अवहिआ कहिज्जमाणं सुजुत्तीए // 17 // तरुणत्तणम्मि अहयं इच्छिअसुहसंपयं अहिलसंतो / धाराधरणहाए सामिगिहं पत्थिओ सुइरं // 18 // छत्तकमंडलुहत्थो पंथं वाहेमि गहिअपच्छयणो / मत्तं पव्वयमित्तं पिच्छामि अ गयवरं इंतं // 19 // मेहमिव गुलगुलिंतं पभिण्णकरडामुहं महामत्तं / दट्टण वणगइंदं भएण वेवंतगत्तो हं // 20 // अत्ताणो अ असरणो कत्थ निलुक्कामि हं ति चिंतंतो / तो सहसा य अइगओ कमंडलुं मरणभयभीओ // 21 // अह सो वि मत्तहत्थी ऊसविअकरो सरोसरत्तच्छो / मज्झाणुमग्गलग्गो कमंडलुं अइगओ सिग्धं // 22 // तो हं भयसंभंतो समंतओ विहुअं पलोअंतो / हत्थिं कमंडलुम्मी वामोहेऊण छम्मासं // 23 // गीवाइ णिग्गओ हं हत्थी वि ममाणुमग्गओ णिन्तो / लग्गो वालग्गंते कुंडअगीवाइ छिद्दम्मि // 24 // अहमवि अ णवरि पुरओ गंगं पिच्छामि रंगिरतरंगं / फेणणिअट्टहासं वणगयदंतक्खयतडग्गं .. // 25 // उम्मीसहस्सपउरं झस-मयर-ग्गाह-कुम्मपरियरियं / जुवइहिअय व्वगाहं उअहि व्व सुदूरपरपारं // 26 // पहमनं अलहंतो तो हं इसुवेअवाहिणि सिग्धं / बाहाहिं समुत्तिण्णो गोपयमिव भारहिं विउलं // 27 // तो सामिगिहं गंतु छुह-तण्हापरिसहेहिं सहमाणो / छम्मासा सीसेणं धरेमि धारा घटाए // 28 // 200
Page Navigation
1 ... 274 275 276 277 278 279 280 281 282 283 284 285 286 287 288 289 290 291 292 293 294 295 296 297 298 299 300 301 302 303 304 305 306 307 308 309 310 311 312 313 314 315 316 317 318 319 320 321 322 323 324 325 326