________________
પ્રભુના ગુણો વડે હૃદય વાસિત બન્યું છે. મહોપાધ્યાયશ્રી યશોવિજયજી મહારાજ કહે છે : “મેરે પ્રભુનું પ્રગટ્યો પૂરન રાગ..” મને પ્રભુ પર પૂર્ણ રાગ, પૂર્ણ ભક્તિ થયા છે. " બહુ મઝાની વાત તેઓ આગળ ચર્ચે છે. શું આ પૂર્ણ રાગનું કૃતિત્વ પોતાનું છે? બહુ જ મઝાનો જવાબ અપાયો છે : “જિનગુણ ચન્દ્રકિનસું ઊમટ્યો, સહજ સમુદ્ર અતાગ..” પ્રભુના ગુણો રૂપી ચન્દ્ર કિરણો વડે મારા ચિત્તના સહજ સમુદ્રમાં ભરતી આવી છે. . એટલે, મારા હૃદયમાં જે ભાવોની ભરતી આવી છે એનું કારણ હું નથી; પણ પ્રભુના ગુણો છે. એ ગુણો જ એટલા મનોહર છે કે એ શબ્દશઃ મારા મનને છૂ કરી નાખે.
એ મિલન કેવું છે ?
ધ્યાતા ધ્યેય ભયે દોઉ એકહુ, મિટ્યો ભેદ કો ભાગ...”
ધ્યાતાની ચેતના ધ્યેયમાં એકાકાર બની ગઈ છે. ધ્યાતા અને ધ્યેય થયા એક. કેવું મઝાનું આ અભેદમિલન !
એ મિલનમાં આનંદ કેવો હોય છે?
પૂરન મન સબ પૂરન દીસે, નહિ દુવિધા કો લાગ...'
હવે ક્યાંય અપૂર્ણતા લાગતી નથી. બધું જ લાગે છે પૂર્ણ, પૂર્ણ.
સ્વાનુભૂતિની પગથારે છ ૧૨૪
