________________
(૫૩) જિનધર્મ પ્રાપ્તિની દુર્લભતા सुलहा सुरलोयसिरी, एगच्छत्ता य मेइणी सुलहा । इक्को नवरि न लब्भई, जिणिंदवरदेसिओ धम्मो ॥ ८७ ॥
અર્થઃ દેવલોકની લક્ષ્મી પામવી સુલભ છે, એક છત્રવાળી પૃથ્વી પામવી (ચક્રવર્તીપણું પામવું) સુલભ છે, પરંતુ જિનેંદ્ર ભાષિત એક ધર્મ પામવો તે અતિ દુર્લભ છે. (૮૭)
लब्भंति विउला भोगा, लब्भंति सुरसंपया । लब्भंति पुत्तमित्ताणि, एगो धम्मो न लब्भइ ॥ ८८ ॥
અર્થ : વિપુલ (મોટા) કામભોગ પામી શકાય છે, દેવની સંપત્તિ પામી શકાય છે, પુત્ર મિત્ર વિગેરે પામી શકાય છે; માત્ર એક ધર્મ જ (જૈનધર્મ જ) પામી શકાતો નથી. (પામવો દુર્લભ છે.) (૮૮)
(૫૪) ક્ષમાની પ્રાધાન્યતા खंती सुहाण मूलं, मूलं धम्मस्स उत्तमा खंती । हइ महाविज्जा इव, खंती दुरियाई सव्वाइं ॥ ८९ ॥
અર્થ : સર્વ સુખોનું મૂળ ક્ષમા છે, ધર્મનું મૂળ ઉત્તમ ક્ષમા છે, મહાવિદ્યાની જેમ ક્ષમા સર્વ દુરિતો (પાપ-કષ્ટોને હણે છે. (૮૯)
(૫૫) ધન વિગેરેની પ્રાપ્તિના મૂળ કારણો धम्मो धणाण मूलं, सव्वरसाणं च पाणियं मूलं । विणओ गुणाण मूलं, दप्पो मूलं विणासस्स ॥ ९० ॥
અર્થ : ધર્મ ધનનું મૂળ છે અર્થાત્ ધનની પ્રાપ્તિ કરાવનાર ધર્મ છે, સર્વ રસોનું મૂળ પાણી છે (પાણીથી જમીનમાં સર્વ રસો નીપજે છે), ગુણોનું મૂળ વિનય છે, (વિનયથી સર્વ ગુણની પ્રાપ્તિ થાય છે, અને વિનાશનું મૂળ ગર્વ છે અર્થાત્ ગર્વ વડે સર્વ પ્રકારનો વિનાશ પ્રાપ્ત થાય છે. (૯૦)
રત્નસંચય - ૦૦
