________________
અર્થ : પાણીના પ્રતિક્રમણથી સાઠ પહોરે આઠમ આવે છે, તેજ પર્વમાં પ્રત્યાખ્યાન કરવું એમ જિનવચન છે. (૨૮૭)
जइयाओ अठ्ठमी लग्गा, तइयाओ हुंति पक्खसंधीसु । सठ्ठि पहरम्मि नेया, करिति तिहि पक्खिपडिक्कमणं ॥ २८८ ॥
અર્થ : જ્યારે અષ્ટમી તિથિ લાગે ત્યારે પક્ષની સંધિ હોય છે, અને ત્યારથી સાઠ પહોર વ્યતીત થાય ત્યારે પાખી પ્રતિક્રમણ કરવું જોઇએ. (૨૮૮) (અહીં સુધીની ૯ ગાથા અચલગચ્છની માન્યતાની છે.)
(૧૮૧) સાયપોરસી વિગેરેનું માન नियतणु नवहि पएहिं, पोसे मासम्मि पोरसी सड्डा । इक्किक्कय पयहाणी, आसाढे जाव तिन्नि पया ॥ २८९ ॥
અર્થ : પોષ માસમાં પોતાના શરીરની છાયા નવ પગલાં પ્રમાણ થાય ત્યારે સાઢપોરસી થાય છે. ત્યારપછી એક એક માસે એક એક પગલાંની હાનિ કરતાં અષાઢ માસે ત્રણ પગલાં છાયા થાય ત્યારે સાઢપોરસી થાય છે. ત્યારપછી શ્રાવણે ચાર, ભાદ્રપદે પાંચ, આશ્વિને છે, કાર્તિકે સાત અને માર્ગશીર્ષ માટે આઠ પગલે સાઢપોરસી થાય છે.) (૨૮૯)
अड्डाइ दिवसेहिं, अंगुल इक्विक वडई हाइ । आसाढाओ पोसे, पोसाओ जाव आसाढं ॥ २९० ॥
અર્થ : અષાઢથી પોષ માસ સુધી અઢી અઢી દિવસે એક એક આંગળ છાયાની વૃદ્ધિ કરવી અને પોષ માસથી અષાઢ માસ સુધી અઢી અઢી દિવસે એક એક આંગળ છાયાની હાનિ કરવી; એટલે કે અષાઢ માસને પહેલે દિવસે ત્રણ પગલાંની છાયાએ સાઢ-પોરસી થાય છે, અને ત્યારપછી અઢી દિવસે ત્રણ પગલાં ઉપર એક આંગળ છાયા હોય તે વખતે સાઢપોરસી થાય છે. એ પ્રમાણે અઢી અઢી દિવસે એક એક આંગળ વધારતાં ત્રીશ દિવસે એટલે એક માસે બાર આંગળ એટલે એક પગલાં જેટલી છાયા વધે છે, તેથી શ્રાવણ માસને પહેલે દિવસે ચાર પગલાં છાયા
રત્નસંચય ૦ ૧૩૮