________________
(૨૫૯) મહાવિદેહ ક્ષેત્રના સાધુના આહારનું માન
बत्तीसं कवलाहारो, बत्तीसं तत्थ मूडया कवलो । एगो मूडसहस्सो, चउवीसाए समहिओ य ॥ ४०५ ॥
અર્થ : મહાવિદેહ ક્ષેત્રમાં રહેલા સાધુઓને પણ બત્રીશ કવળનો આહાર હોય છે. તેમનો બત્રીશ મુડાનો એક કવળ થાય છે. તેથી બત્રીશ કવળનું પ્રમાણ બત્રીશને બત્રીશે ગુણવાથી એક હજાર અને ચોવીશ મુડા થાય છે. એટલો એક સાધુને એક વખતનો આહાર હોય છે. (૪૦૫) (અહીં મુડાનું માપ કેવડું ગણાય છે તે સમજમાં નથી.)
(૨૬૦) મહાવિદેહના સાધુઓના
મુખનું તથા પાત્રનું પ્રમાણ रयणीओ पन्नासं, विदेहवासम्मि वयणपरिमाणं । पत्ततलस्स पमाणं, सत्तरधणुहाइ दीहं तु ॥ ४०६ ॥
અર્થ : મહાવિદેહ ક્ષેત્રમાં સાધુના મુખનું પ્રમાણ પચાસ હાથનું છે, તેના પાત્રના તળીયાનું પ્રમાણ સત્તર ધનુષ દીર્ઘ (લાંબું) હોય છે. (૪૦૬) (આ પ્રમાણ ઉત્સધાંગુલે સમજવું. આપણા કરતાં ૫૦૦ ગણું સુમારે હોવાથી તે ઘટી શકે છે.) (૨૬૧) મહાવિદેહના સાધુની મુખરિત્રકાનું પ્રમાણ
मुहणंतएण तेसिं, सठिसहस्सा य एग लक्खा य । भरहस्स य साहूणं, एयं मुहणंतयं माणं ॥ ४०७ ॥
અર્થ : તે મહાવિદેહ ક્ષેત્રના સાધુની એક મુખવસિકાએ આ ભરતક્ષેત્રમાં રહેલા સાધુઓની એક લાખ ને સાઠ હજાર મુખવસ્ત્રિકાઓ થાય છે. એટલું તેની એક મુખવસ્ત્રિકાનું પ્રમાણ છે. (૪૦૭) (અહીં કરતાં ૪૦૦ ગણી લાંબી ને ૪૦૦ ગણી પહોળી હોવાથી આ માપ ઘટી શકે છે.)
રત્નસંચય - ૧૮૨