Kshanikno Bodh Ane Nityano Anubhav

Author(s): Fulchandra Shastri
Publisher: Shyam Smarak Trust

Page 6

ઉમરાળા ગામ પાલીતાણાથી ૪૩ કિ.મી. તથા શ્રી કાનજીસ્વામીની સાધનાભૂમિ સોનગઢથી ૨૦ કિ.મી. તથા ભાવનગરથી ૪૦ કિ.મી. તથા અમદાવાદથી ૧૬૦ કિ.મી. દૂર છે.
અહીં નિકટકાળમાં આચાર્ય કુંદકુંદદેવની આમ્નાય અનુસાર જિનમંદિરની પ્રતિષ્ઠા તથા પ્રવચન હૉલની સ્થાપના થશે. આત્માર્થી સાધકો માટે આવાસ તથા ભોજનની સુવિધા પણ ઉપલબ્ધ રહેશે.
મુંબઇ નિવાસી આત્માર્થી મુમુક્ષુ શ્રી દિનેશભાઇ કોઠારી દ્વારા શ્રી શ્યામ સ્મારક ટ્રસ્ટને સમય-સમય પર માર્ગદર્શન મળતું જ રહે છે, સાથે સાથે ક્ષણિકનો બોધ અને નિત્યનો અનુભવ કૃતિની પ્રસ્તાવના લખીને વાંચકોને સરળતા પડે તે હેતુથી પુસ્તકનો સાર ઉદ્ધૃત કરવા બદલ હાર્દિક આભાર માને છે. પુસ્તકના મુદ્રણ અર્થે મલ્ટીગ્રાફિક્સનો અત્યંત લાગણીપૂર્વક સાથસહકાર મળ્યો છે, તે બદલ શ્રી શ્યામ સ્મારક ટ્રસ્ટ અંતરના ભાવપૂર્વક વિશેષ આભાર માને છે. દ્ઉપરાંત પુસ્તકના પ્રકાશન અર્થે જેમનો આર્થિક સહયોગ પ્રાપ્ત થયો છે, તે સર્વના અત્યંત આભારી છે, આશા છે કે ભવિષ્યમાં પણ જ્ઞાનમાર્ગના પ્રચાર-પ્રસાર હેતુ સહકાર મળતો રહેશે.
દરેક જીવ ક્ષણે-ક્ષણે પરિણમતા ક્ષણિક જગતનો બોધ કરી નિત્ય આત્માનો અનુભવ કરી અનંતસુખી થાય એ જ મંગળ ભાવના.
- કિશોરભાઈ શ્યામદેવ જેન