Kshanikno Bodh Ane Nityano Anubhav

Author(s): Fulchandra Shastri
Publisher: Shyam Smarak Trust

Page 5

પ્રકાશકીય
ક્ષણિકનો બોધ અને નિત્યનો અનુભવ કૃતિ પ્રકાશિત કરતા શ્રી શ્યામ સ્મારક ટ્રસ્ટ અત્યંત હર્ષ અનુભવે છે. આત્મધ્યાન વિના આત્માનુભૂતિ થઇ શકતી નથી તથા આત્મજ્ઞાન વિના આત્મધ્યાન થઇ શકતું નથી. આ કૃતિ જગતના જીવોને આત્મા તથા અનાત્મા વચ્ચે ભેદજ્ઞાન કરવાની કળા બતાવે છે.
દરેક જીવ આત્મસાધના કરીને પોતાનું સંસાર પરિભ્રમણ રોકી શકે છે. પ્રત્યેક આત્મા સ્વભાવની દ્રષ્ટિએ પરમેષ્ઠી છે, છતાં જ્યારે આત્મા પંચ પરમેષ્ઠી દ્વારા પ્રતિપાદિત મોક્ષમાર્ગ પર ચાલીને નિજ આત્મસ્વભાવમાં લીન થાય, એ જ ખરી આત્મસાધના છે. આત્મસાધના વડે જ ભવભ્રમણનો અભાવ તથા મોક્ષરૂપી સ્થિરતા પ્રગટ થાય છે.
ન
જૈનધર્મ કોઇ વાડો નથી. વીતરાગી ભગવાન દ્વારા પ્રતિપાદિત ધર્મમાં કુળ તથા જાતિનો ભેદભાવ કદાપિ ન હોઇ શકે. જે જીવ સદાચારમય જીવન જીવે, તે જ સાચો જૈન કહેવાય. એ તો સર્વવિદિત છે કે આધ્યાત્મિક સંત શ્રી શ્યામદેવસ્વામીના તત્ત્વોપદેશથી પ્રભાવિત થઇ દેશ-વિદેશમાં સ્થિત હજારો આત્માર્થી જીવો જૈનધર્મમાં પરિવર્તિત થયા છે.
શ્રી શ્યામ સ્મારક ટ્રસ્ટ દ્વારા અનેક ધાર્મિક પ્રવૃત્તિઓ ચાલી રહી છે. ખાસ વાત તો એ છે કે કોઇ જીવ જન્મથી જૈન ન હોય, તેમ છતાં મઘ, માંસ, મધુ તથા પાંચ ઉદમ્બર ફળના ત્યાગરુપ આઠ મૂળગુણોને પાળતો હોય, રાત્રિભોજનનો ત્યાગી હોય, વીતરાગી દેવદર્શન તથા સદ્ગુરૂની ઉપાસના કરતો હોય, સવાર, બપોર, સાંજ સામાયિક કરતો હોય!! જન્મથી જૈન ન હોવા છતાં ચુસ્તરીતે જેનધર્મ પાળતા હોય, એવા આત્માર્થી સાધકોની આત્મસાધના અવિરત ધારાપ્રવાહથી આગળ વધે એ હેતુથી કૃપાળુદેવ શ્રીમદ્ રાજચંદ્રજી તથા પરમ પૂજ્ય સદ્ગુરૂદેવશ્રી કાનજીસ્વામીની આત્મસાધનાથી પ્રેરિત થઇ શ્યામ સ્મારક ટ્રસ્ટ દ્વારા આધ્યાત્મિક સાધના કેન્દ્રની સ્થાપના થયેલ છે.