Paiavinnankaha Part 01

Author(s): Kastursuri, Somchandrasuri
Publisher: Rander Road Jain Sangh

Page 123

94 पाइअविनाणकहा-१ एवं सोच्चा वि उज्जमवाइपंडिओ छुट्टणपयासं न चएइ / छुट्टणाय अईव पयासं कुणेइ / एवं तेसिं दुवे दिणा अइक्वंता / भोयणाभावेण सरीरं पि ताणमईव झीणं संजायं, कज्जकरणे वि असमत्थं जायं, तह वि उज्जमवाई पयासहीणाववरगे इओ तओ भममाणो बंधणाओ मोअणाय जत्तं न मुंचेइ / .. नियइवाई तं वएइ-'अहणा परमेसरस्स नामं गिण्हस, किमायासकरणेण फलरहिएण ?' / तया सो उज्जमवाई कहेइ-"समावन्ने वि मरणे उज्जमो कया वि न मोत्तव्वो, सया वि उज्जमसीलेण जणेण होयव्वं" / नियइवाई बोल्लेइ-'जइ एवं ता अंधारिए एयंमि अववरगे पाए हत्थे अ घसमाणा भमंता चिठेह, उज्जमो फलं दाही ?' / तह वि सो उज्जमवाई पंडिओ खीणसरीरबलो तइअदिणंमि भित्तिनिस्साए भमंतो हत्थे पाए य घसमाणो पडतो पुणरवि घसंतो भमंतो दइववसाओ अववरगस्स कोणगे तत्थ पडिओ, जत्थ उंदुरस्स बिलं वट्टइ / तस्स हत्था बिलोवरिं समागया / ____तओ रंघमज्झट्ठिओ मूसओ बाहिरं निग्गंतुमचयंतो दंतेहिं तस्स हत्थबंधणं छिंदेइ, तया सो छुट्टिओ समाणो नेत्तपडं पायबंधणं च अवसारेइ, सो तया अववरगे गाढयरतमेण किमवि न पासेइ / अस्स अववरगस्स दारं कत्थ अस्थि त्ति भित्तिफासणेण निरिक्खंतेण तेण करेण दारं लद्धं / बाहिरओ पिणद्धं तं पासिऊणं कटेण तं दारं मूलाओ उत्तारिअ बाहिरं सो निग्गओ / पच्छा देव्ववाई पंडिअं पि बंधणाओ मोएइ / पच्छण्णठाणे ठिओ कालिदासो सव्वं निरूवेइ / जया ते दुवे बाहिरनिग्गए पासेइ, पासित्ता ते घेत्तूण नियघरंमि गओ / सम्म अन्नपाणेहिं सक्कारित्ता सम्माणित्ता य निवसहाए ते विउसे गहिऊण समागओ / भोयनरिंद-कहेइ-‘उज्जमेण जिअं, नियईए पराइअं' ति, जओ उज्जमवाई पंडिओ उज्जमेण छुट्टिओ, अवरो उज्जमाभावाओ न छुट्टिओ / 'जो नियइमेव पहाणं मन्नेइ सो पमाई कहिज्जइ' / जत्थ पमाओ तत्थ खुहा पिवासा दुक्खं मरणं च अवस्सं संभवेइ / जो उज्जमं कुणइ सो कयाइ दुक्खाओ मुच्चइ, किं पि य फलं पावेइ / नियइवाई उज्जमेण विणा फलं न लहेज्जा / तओ उज्जमो पहाणो णायव्वो / __तओ भोयनरिंदो उज्जमवाइ पंडिअंदव्ववत्थाहूसणेहिं सम्माणेइ / तत्तओ पंचकारणसमुदाएण कज्जनिष्फत्ती होइ, तच्चेवं-“तंतुणो पडनिप्पायणसहावो, सो पडो कालेण होइ, पडनिप्पायणपउत्तो वि भवियव्वयानिओगेण पडो होइ, अन्नहा विग्घा चिअ हविरे / तंतुवायस्स उज्जमेण पडो हवइ, जइ कम्मं अणुकूलं सिया तो कज्जफलस्स भोत्ता होज्जा / एवं काल-नियइ-सहाव-उज्जम-पव्वकम्मसरूवपंचकारणसमवाए कज्जं जायइ, तओ कालाइपंचसु नियई बलवई, तओ वि उज्जमो बलवंतो णेओ" / नीइसत्थे वि-‘उज्जमे नत्थि दालिदं' / अओ उज्जमो कया वि न मोत्तव्यो / / उवएसो उजमस्स फलं ना, विउसदुगनायगे / 'जावजीवं न छड्डेजा, उज्जमं फलदायगं' / / 3 / / उज्जमस्स पहाणत्तणम्मि विउसवरदुगस्स एगणचालीसइमी कहा समत्ता / / 39 / / -भोयनरिंदकहाए