Paiavinnankaha Part 01

Author(s): Kastursuri, Somchandrasuri
Publisher: Rander Road Jain Sangh

Page 164

भोगंतराए मम्मणसेट्ठिणो कहा-५१ 135 तस्स करिसगस्स घरंमि गओ / तं किसीवलं तस्स वयणस्स रहस्सं पुच्छइ / बुद्धिमंतो हालिओ तं कहेइ-'हे पहाणवर ! सयहत्तं नरिंदस्स मुहं जाव न पासेज्जा, ताव इमस्स वयणस्स रहस्सं कस्स वि मए न कहियव्वं' एवं नरिंद-वयंण-पासपडिबद्धो म्हि, तओ हं कहिउं कह पारेमि ? / पहाणो वि तस्स वयणजुत्तिं इंगियागारेण नच्चा हालिअस्स पुरओ नरिंदपडिगिइअंकियसुवण्णमुद्दासयं ठवेइ / तया नरिंदागिइवंतमुद्दासयं दट्टण तेण हालिएण तस्स वयणस्स रहस्सं जाणाविरं / ____ पक्खदिवसंते सहामझमि पुणरवि नरिंदेण सो च्चिय पण्हो पुच्छिओ, तया सेसपहाणेसु मउणेण ठिएसु नरिंदस्स परओ तेण मंतिणा पञ्चत्तरं दिण्णं / तं सोच्चा नरवरिंदो कहेइ तुमए अवस्सं हालिआओ एयं जाणियं सिया। नरिंदो हालिअं बोल्लावित्ता सक्कोहं पुच्छइ-कहं वयणभंगो कओ? / तेण वुत्तं मए वयणभंगो न कओ, जओ पुव्वं मए सयहुत्तं सिरिमंताणं मुहं पासित्ता तस्स वयणस्स रहस्सं कहियं / नरिंदो कहेइ-कया कत्थ वा मम मुहं दिटुं ? / तया तेण नरिंदमुहंकियसुवण्णमुद्दासयं दंसिऊण कहियं 'एआसु सुवण्णमुद्दासुं मुहं दिटुं' त्ति तओ तस्स पच्चुत्तरदाणकुसलाए पण्णाए तुट्ठो नरिंदो तं मुद्दासयं तस्स च्चिय देइ एवं एसो हालिओ बुद्धिप्पहावेण रायमाणणिज्जो जाओ / / ___उवएसो हालियस्स कह एयं, परत्थेह य सोक्खयं / सुणित्ता 'भविया ! तुम्हे, पयत्तेह जहासुहं' / / 2 / / बुद्धिपहावोवरिं हालियस्स पण्णासइमी कहा समत्ता / / 50 / / -गुजरभासाकहाए एगपण्णासइमी भोगंतराए मम्मणसेट्ठिणो कहा - - - - - - - - - - - - - - - - पुव्वदाणपत्तभोगा वि, भोगतरायकम्मुणा / भुजिजंति न लोएहिं, जह मम्मणसेट्ठिणा / / 1 / / एगंमि नयरे एगो वणिओ आसि, सो भज्जारहिओ आसि / एगया तत्थ नयरे को वि धणड्ढो नियणाइवग्गे सुरहिगंधसंजुयलड्डुआण पहावणं अकासी / तेण वणिएण वि लड्डुओ एगो लद्धो / तेण 'अज्ज कल्लं वा खाइस्सं' ति वियारित्ता कत्थ वि भायणमझे ठविओ / अन्नदिणंमि एगो पंचमहव्वयधारी मासोववासी बहुलद्धिसंपण्णो समणवरो तस्स गेहंमि भिक्खणटुं समागओ / तं महामुणिं दट्ठण पाए वंदित्ता सो वएइ-'धण्णो अहं जओ मम