Book Title: Paiavinnankaha Part 01
Author(s): Kastursuri, Somchandrasuri
Publisher: Rander Road Jain Sangh
View full book text
________________ 41 एगचत्तालीसइमी नाणगब्भमंतिस्स कहा देव्वजण्णाविवत्तीओ, बुद्धिमंता जणा दुयं / धुवं तरंमि जत्तेण, नाणगब्भुव्व धीसहो / / 1 / / सिरिमुणिसुव्वयतित्थयरथूभालंकियाए वेसालीए जियसत्तुनामो निवो आसि / तस्स रण्णो सामाइनीइभायणं सयलनिवरज्जकज्जसज्जयरो णाणगब्भो नाम मंती अहेसि / अन्नया सहानिविठ्ठो राया दोवारिएण पणमिऊण एवं विनत्तो–'सामि ! एगो नेमित्तिओ कत्तो वि आगओ दारंमि ठिओ समाणो पहुपायदंसणं महेइ / लद्धाणुन्नेण तेण निवसहाए पवेसिओ / सकोउगेण नरिंदेण तण्णाणजाणणकए विहिउचियपडिवत्ती सो जोइसिओ पुट्ठो-'थोवदिणमज्झे कस्स अपुव्वं सुहं दुहं वा होही ?' / अटुंगनिमित्तसत्थविउसेण तेण भणियं–'हे सामिअ ! तुब्भेहिं पुच्छिओ संतो सत्थभणियमत्थं कहितो दोसं न जामि' त्ति कहिऊण वएइ-"जो एसो नाणग्ब्भो महामंती मंतिपंतीणं सिरोमणित्तणं पत्तो, तस्स सकुलस्स मारी अइधोरा उवट्ठिया अस्थि / सा मारी नो वरिसाओ, न मासाओ, किंतु एयाओ पक्खाओ आरेण होहिइ " / __ तओ सा सहा सव्वा वज्जहयव्व खणा साबाहा तुण्हिक्का संजाया / तओ मंती धीरमाणसो ताओ सहाओ विणिग्गओं संतो केणइ अलक्खिओ नियगिहे तं नेमित्तियं आणवेइ / कयगरुयगोरवो वत्थपुप्फवरभोयणाइदाणेण संपन्नसंतोसो एसो एगंते परिपुट्ठो-'कत्तो एसा मारी भविस्सइ, 'त्ति / सो नेमित्तिओ कहेइ –'तव जेट्ठपुत्ताओ' / मंती पुच्छेइ-'नियमा एसा होस्सइ, एत्थ को पच्चओ?' / नेमित्तिओ कहेइ-'अमुगदिवसम्मि तुम्हं असुंदरो सुमिणो होहिइ' / एवं सो मंती कज्जस्स उवलद्धसारो देवण्णुं पूइअ परमायरेण वारेइ-सव्वहा इमं नो पयासियव्वं' / तओ उवगओ सो नियपएसं / अहन्नया रत्तीए मंतीणा सुमिणो दिट्ठो-'जह मम मंदिरं अइबहलतिमिरनिउरंबसामलाहिं धूमजालाहिं समंतओ ठइअं' / तओ मंतिणा सपञ्चयं नियजिट्ठपुत्तो उत्तो-" हे पुत्त ! जोइसविऊहिं तव जम्मकालिमिएहिं सुट्ठ पण्णत्तोहं, इण्डिं पुण तुमाहितो कुलस्स पलओ हुँतो दीसइ / तओ एगं पक्खं ताव सुविसुद्धबुद्धिपुव्वं वट्टिज्जउ, जेण उवट्ठिअं एअं वसणं कहं पि वंचेमो / जइ अस्स वसणस्स खलणं न करेमि, तया मे सयलजणपसिद्धाए इमाए मईए को गुणो होज्जा ? ' / अइचित्तं गहचरियं, सुमिणो सउणाइयं निमितं च / देवो व जाइयाई, फलंति जइ कस्सइ कयाइ / / 2 / / तओ धीरिमं वहंतेहिं बुद्धिधणेहिं णो तसियव्वं, किं तु उचिओवायपरेहिं निञ्चं पि होयव्वं / परिघडियनिउणनीईणं दूरओ मुक्ककुपहगमणाणं कयाई दिव्वाओ कज्जारंभो विहडिओ वि हि न दोसाय / तओ हे पुत्त ! मंजूसाए पविस, पक्खस्स भोयणजलाणि एयाणि तुज्झ तणुट्टिईए साहणाई मुक्काई / तओ नियकुलरक्खणत्थं
Page Navigation
1 ... 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224