Paiavinnankaha Part 01

Author(s): Kastursuri, Somchandrasuri
Publisher: Rander Road Jain Sangh

Page 151

122 पाइअविनाणकहा-१ अईव कुद्धा वएइ-हे दुढे ! रंडे ! तुमए एसो सुउमालो बालो किं हओ ?, हा ! हा ! नायं नायं, नियसीलपालणत्थं निद्दयाए तए एसो हणिओ / अहं पि तुमं एयस्स बालगस्स चियाए मज्झे जीवन्ति पक्खिविस्सं / इमस्स मायापियराणं किं पञ्चुत्तरं दाहिस्सं ति कहित्ता सच्चवई हत्थेण हेटुंमि ओयारणाय पसज्झ कड्डेइ / तया सा सच्चवई ‘सच्चवाइणो कुओ भयं ' ति निब्भया वएइ-तुम्हे अवियारियं जं वा तं वा किं वएज्जाह ?, एसो सयं चिअ उ नियच्छुरियं उयरे पक्खिवित्ता मओ, सच्चं तु एवं जाणियव्वं-एसो देवीदिण्णो मम अप्पकेरो पुत्तो जाणियव्वो ! नियमाऊए उवरिं अन्नाणओ कयकुदिट्ठिवियारपावपायच्छित्तग्गहणत्थं तेण अप्पहच्चा कया, अहं पि एयस्स चियाए नियदेहं पक्खिवित्ता मरिस्सामि / मम हणणे तुमए निष्फलो पयासो न कायव्वो / अहुणा इमस्स देहं हेटुंमि ठवेह, एयस्स य पालगमायापियराणं वुत्तंतं जाणावेह, नयराओ य बाहिरं चियं कारवेह / ___अह सा कामलया देवीदिण्णकडेवरं हिढे ठवेइ, तस्स य मायापियराणं समायारं कहावेइ / पुत्तमरणसमायारं सोच्चा कलुणं रुयंता, वच्छत्थलं मत्थयं च कुटुंता तत्थ आगया, पुत्तं अंकंमि ठवित्ता बहं विलवंति, सच्चवईए कहियं नियं देवीदिण्णपुत्तस्स य वुत्तंतं सुणिय ते चिंतंति जं भाविं तं अण्णहा न होइ, जं वेसाघरे आगमणं, माऊए मिलणं मरणं च, एयं पुव्वबद्धकम्माणं चिय विवागो, अम्हेहिं निसिद्धस्सावि पुत्तस्स वेसाघरगमणे तिम्विच्छा संजाया, एत्थ पुव्वकम्मुदयस्स पबलत्तणं / पुणो वि अस्स चियाए सह सञ्चवईए पडणं सोच्चा, तं आसासेइ-हे पुत्ति ! अम्हाणं तुम्ह य पुत्तो गओ, सव्वेसिं समाणं दुहं' मरणंमि मा चित्तं कुणाहि, पुत्तं विव तुमं पि पालिस्सामो / सा वि मरणिक्ककयनिच्चया काणं पि वयणं न सुणेइ / नवलक्खवणज्झारकुडुम्बिजणा एत्थ आगच्च देवीदिण्णस्स तणुं उप्पाडिय दहणत्थं नयराओ बाहिरं निग्गया, ताणं पच्छाओ सञ्चवईसभज्जनवक्खवणज्झारो य रुयंतो निग्गओ / ते कुडुम्बिजणा नियनिवासस्स नाइदूरे नच्चासण्णे चंदणप्पहाणकठेहिं विसालं चियं अकरिंसु / तीए मज्झे तं देवीदिण्णकुमारं ठवेइरे अग्गिं च पज्जालिंति / तया सा सच्चवई तीए मज्झमि पडिउं जया झारेइ, तया ते नवलक्खवणज्झाराइपुरिसा तं हत्थेण गिण्हित्ता निरंभन्ति / केई पुरिसा अग्गिं घयाइसद्दव्वपक्खेवेण उद्दीवंति / अग्गी वि देवीदिण्णस्स देहं समंतओ दहिउं लग्गो, सा सच्चवई वि दहंतं पुत्तं पासित्ता अच्चंतूसुगा साहसं अवलंबित्ता पुरिसेहिंतो छुट्टित्ता चियामज्झे पडिया / पुव्वबद्धकम्मस्स बलवत्तणेण, आउसस्स य अपरिपुण्णत्तणेण तया तं अग्गी वि न डहेइ ‘अभुत्तं हि कम्मं न झिज्जइ / ' तया खणंतरेण तत्थ पयंडो वाऊ वाउं लग्गो, आगासं पि जलभारनमिरेहिं जलहरेहिं भरियं, जलओ वि मुसलप्पमाणधाराहिं वरिसिउं लग्गो / जणा वि वासाजलभएण इओ तओ नासित्ता नियनियट्ठाणे गया, चिया वि पसंता / तया तंमि समए महंतो जलप्पवाहो महानइव्व संजाओ / तेण जलपवाहेण सा सच्चवई वहिउं लग्गा, आउसकम्मस्स दीहत्तणेण तीए हत्थे एगं महाकट्ठे समागयं, मरणभएण उत्तसिया सा सहसा तं कटुं विलग्गिअ तरिउं लग्गा, कमेण नईए मझमि गया / तत्थ बहुसो निमज्जणुम्मज्जणजणियबाहाए मुच्छिया सा नईवेगेण वीसजोयणभूमिं जाव दूरं नीआ / 1. प्रसह्य हठात् / /