Book Title: Laghu Kshetra Samasa athwa Jain Bhugol
Author(s): Ratnashekharsuri, Pratapvijay, Dharmvijay
Publisher: Muktikamal Jain Mohan Mala
View full book text ________________
श्री लघुक्षेत्रसमासप्रकरणम् । ते सिरिगिहाओ दोसय-गुणप्पमाणा तहेव तिदुवारा । नवरं अडवीसाहिअ-सयगुणदारप्पमाणमिह ॥ ६८॥ पणवीसं कोससयं, समचउरसवित्थडा दुगुणमुच्चा । पासाया कूडेसु, पणसयउच्चेसु सेसेसु ॥ ६९ ॥ बलहरिसहहरिकूडा, नंदनवणि मालवंति विज्जुपभे। ईसाणुत्तरदाहिण-दिसासु सहसुच्च कणगमया ॥ ७० ॥ वेअड्डेसुवि नवनव, कूडा पणवीसकोस उच्चा ते । सचे तिसय छडुत्तर, एसुवि पुवंति जिणकूडा ॥ ७१ ॥ ताणुवरि चेईहरा, दहदेवीभवणतुल्लपरिमाणा । सेसेसु अ पासाया, अद्धेगकोसं पिहुच्चत्ते ॥ ७२ ॥ गिरिकरिकूडाउच्च-तणाओ समअद्धमूलुवरि रुंदा । रयणमया नवरि विअड्डमज्झिमा ति ति कणगरूवा ॥७३॥ जंबूणयरययमया, जगइसमा जंबुसामलीकूडा । अट्ठट्ट तेसु दहदे-विगिहसमा चारु चेइहरा ॥ ७४ ॥ तेसि समोसहकूडा, चउतीसं चुल्लकुंडजुअलंतो। जंबुणएसु तेसु अ, वेअड्डेसुं व पासाया ॥ ७५ ॥ पंचसए पणवीसे, कूडा सवे वि जंबुदीवम्मि । ते पत्तेअं वरवण-जुआहि वेईहि परिक्खित्ता ॥ ७६ ॥ छसयरि कूडेसु तहा, चूला चउवणतरूसु जिणभवणा। भणिया जंबुद्दीवे, सदेवया सेसठाणेसु ॥ ७७ ॥
Loading... Page Navigation 1 ... 648 649 650 651 652 653 654 655 656 657 658 659 660 661 662 663 664 665 666 667 668 669 