Padhamvaggo

Author(s): Nemivigyan Kastursuri Gyanmandir
Publisher: Nemivigyan Kastursuri Gyanmandir

Page 11

Acharya Shri Kailashsagarsuri Gyanmandir
पत्थाविगं छज्जति जस्स गंथा, अन्नाणविसहरणे रयणसरिसा । सिद्धनिवइमहिओ जो, कुमारवालस्स बोहगरो ॥१॥ सव्वण्णुसमो इहयं, कलिकालम्मि य समणवई जाओ। दंसणियसव्वगंथा, जेण विरइया जगपसिद्धा ॥२॥ सिरिहेमचन्दसूरी, विन्नाणविबुहविणमियपयकमलो।
तस्स हि सन्भूयजसं, गायमि कत्थूरखरी हं ॥३॥ सिरिहेमचंदसूरिणो जम्मो विक्कमस्स सैर-वेय-भूमि-ससेक(११४५) वरिसम्मि कत्तियसुक्कबुण्णिमाए धंधुगानयरम्मि होत्था । तस्स पिउणो नाम 'चाच' माउए य 'पाहिणी' आसी। गिहत्थावत्थाए हेमचंदस्स नाम चंगदेवुत्ति । तस्स मोढजाईए उप्पत्ती हुवीअ ।
चंदकुलायरियदेवचंदसूरी सिरियंभतित्थम्मि तस्स माऊए आणं घेत्तणं विक्कमस्स गयणसर-चंद-भूमि (११५०) वरिसम्मि माहमासस्स सुक्कचउद्दसीए मंदवासरे रोहिणीनक्खत्तम्मि सिरिपासणाहचेहयम्मि दिक्खं दाऊणं सोमचंदत्ति नाम अकरिंसु ।
तओ सोमचंदो निम्मलमइबलेण नाय-वागरण-साहित्तपमुहबिज्जाओ अब्भसित्ता विसेसओ मइविगासनिमित्तं कम्हारदेसम्मि गंतूण सरस्सईदेवीसमाराहणमणोरहं कासी।
तयणतरं थंभणतित्थाओ गीयद्वसाइहिं सह विहारं काऊणं कमेण थंभतित्थसमीवस्थिअ-रेवयावयारतित्थम्मि सिरिनेमिणाहचेइए तीए आराहणे सावहाणपरो होत्था । तइया पुण्णाणुभावाओ मज्झरत्तीए नासग्गठविअनेत्तस्स तस्स सोमचंदस्स पुरओ पच्चक्खीहोऊण पसण्णा सरस्सई वएइ-'वच्छ ! देसंतरं मा वच्चसु, तुम्हेच्चयविसुद्धभत्तीए तुदा हैं। तुम्ह इच्छिअं एत्थच्चिय सिज्झिहिई' इइ वोत्तूर्ण सा अदंसणं पत्ता ।
लद्धसरस्सइपसायं तं सोमचंदं पासिऊणं गुरवो संघसमक्खं नगराहीसविहियमहूसवपुव्वयं विक्कमस्स रस-उउ-सैसि-ससंक (११६६) वरिसम्मि अक्खयतइयाए मज्झण्हसमए सूरिमंतपयाणेण तं आयरियपए ठवित्था । तइया सो हेमचंदसूरी इअ नामेणं पसिद्धिं पाविभो ।
तस्स माया पाहिणी सुयसिणेहेण गुरुसगासम्मि संजमं गिण्हित्था। जणणीवच्छलो अहिणवायरिओ गुरुहत्थाओ तं पवत्तणीपयम्मि ठवीम ।
For Private And Personal