Nayadhammakahao

Author(s): Jinshasan Aradhana Trust
Publisher: Jinshasan Aradhana Trust

Page 223

210
नायाधम्मकहाओ XVIII.141. ते पंच चोरसए विपुलेणं धूवपुष्फगंधमल्लालंकारेणं सक्कारेइ सम्माणेइ २ एवं वयासी-एवं खलु देवाणुप्पिया ! रायगिहे नयरे धणे नामं सत्थवाहे अड्डे० । तस्स णं धूया भहाए अत्तया पंचण्हं पुत्ताणं अणुमग्गजाइया सुसुमा नाम दारिया होत्था अहीणा जाव सुरूवा । तं गच्छामो णं देवाणुप्पिया! धणरस सत्थवाहस्स गिहं विलुपामो । तुम्भं विपुले धणकणग जाव सिलप्पवाले ममं सुंसुमा दारिया । तए णं ते पंच चोरसया चिलायस्स पडिसुणेति । तए णं से चिलाए चोरसेणावई तेहिं पंचहिं चोरसएहिं सद्धिं अल्लचम्म दुरूहइ २ पञ्चावरण्हकालसमयांस पंचहिं चोरसएहिं सद्धिं सन्नद्ध जाव गहियाउहपहरणा माइयगोमुहिफलएहिं निक्किट्ठोहिं असिलट्ठीहिं असंगएहिं तोणेहिं सज्जीवेहिं धणूहिं समुक्खित्तेहिं सरोहिं समुलीलियाहिं दीहाहिं ओसारियाहिं उरुघंटियाहिं छिप्पंतूरेहिं वजमाणेहिं महया २ उक्किट्ठसीहनाय जाव समुहरवभूयं पिव करेमाणां सीहगुहाओ चोरपल्लीओ पडिनिक्खमंति २ जेणेव रायगिहे नयरे तेणेव उवागच्छंति २ रायगिहस्स अदूरसामंते एगं महं गैहणं अणुप्पविसंति २ दिवसं खवेमाणा चिट्ठति । तए णं से चिलाए चोरसेणावई अद्धरत्तकालसमयंसि निसंतपडिनिसंतसि पंचहिं चोरसएहिं सद्धिं माइयगोमुहिएहिं फलएहिं जाव मूइयाहिं उरुघंटियाहिं जेणेव रायगिहे नयरे पुरथिमिल्ले दुवारे तेणेव उवागच्छइ उदगबत्थिं परामुसइ आयंते चोक्खे परमसुइभूए तालुग्घाडणिविजं आवाहेइ २ रायगिहस्स दुवारकवाडे उदएणं अच्छोडेइ २ कवाडं विहाडेइ २ रायगिहं अणुप्पविसइ २ महया २ सहेणं उग्घोसेमाणे २ एवं वयासी - एवं खलु अहं देवाणुप्पिया ! चिलाए नामं चोरसेणावई पंचहिं चोरसएहिं सद्धिं सीहगुहाओ चोरपल्लीमो इहं हव्वमागए धणस्स सत्थवाहस्स गिहं घाउकामे। तं"जे णं नवियाए माउयाए दुद्धं पाउकामे से णं निगच्छउ त्तिकटु जेणेष धणस्स सत्थवाहस्स गिहे तेणेव उवागच्छइ २ धणस्स गिहं विहाडेइ । तए णं से धणे चिलाएणं चोरसेणावइणा पंचहिं चोरसएहिं सद्धिं गिहं घाइजमाणं पासइ २ भीए तत्थे ४ पंचहिं पुत्तेहिं सद्धिं एगंतं अवकमइ ।