Nayadhammakahao

Author(s): Jinshasan Aradhana Trust
Publisher: Jinshasan Aradhana Trust

Page 228

21
-XIX.145]
नायाधम्मकहाओ
॥ एगूणवीसइमं अज्झयणं॥ (144) जइणं भंते । समणेणं० अट्ठारसमस नायज्झयणस्स अयमहे पन्नचे एगूणवीसइमस्स के अढे पन्नत्ते? एवं खलु जंबू ! तेणं कालेणं २ इहेव जंबुद्दीवे २ पुश्वविदेहे' सीयाए महानईए उत्तरिल्ले कूले नीलवंतस्स दाहिणेणं उत्तरिल्लस्स सीयामुहवणसंडस्स पञ्चत्थिमेणं एगसेलगस्स वक्खारपव्वयस्स पुरथिमेणं एत्थ णं पुक्खलावई नामं विजए पन्नत्ते । तत्थ णं पुंडरिगिणी नामं रायहाणी पन्नत्ता नवजोयणवित्थिण्णा दुवालसजोयणायामा जाव पञ्चक्खं देवलोगभूया पासाईया दरसणीया अभिरुवा पडिरूवा। तीसे णं पुंडरिगिणीए नयरीएं उत्तरपुरथिमे दिसीभाए नलिणिवणे नामं उनाणे होत्था । तत्थ गं पुंडरिगणीए रायहाणीए महापउमे नामं राया होत्या। तस्स णं पउमावई नामं देवी होत्था । तस्स गंमहापउभस्स रनो पुत्ता परमावईए देवीए अत्तया दुवे कुंमारा होत्था तं जहा-पुंडरीए य कंडरीए य सुकुमालपाणिपाया० । पुंडरीए जुवराया । तेणं कालेणं २ थेरोगमणं महापउमे राया निग्गए धम्म सोच्चा पुंडरीयं रज्जे ठवेत्ता पव्वइए पुंडरीए राया जाए कंडरीए जुवराया। महापउमे अणगारे चोदसपुव्वाई अहिजइ । तए णं थेरा बहिया जणवयविहारं विहरति । तए णं से महापउमे बहूणि वासाणि नाव सिद्धे ।
(145) तए णं थेरा अन्नया कयाइ पुणरवि पुंडरिगिणीए रायहाणीए नलिणवणे उजाणे समोसढा । पुंडरीए राया निग्गए । कंडरीए महाजणसहं सोचा जहा महाबलो जाव पज्जुवासइ। थेरा धम्म परिकहेंति पुंडरीए समणोवासए जाए जाव पडिगए । तए णं कंडरीए उठाए उठेइ २ बाव से जहेयं तुम्भे वयह जं नवरं पुंडरीयं रायं आपुच्छामि तए णं जाव पव्वयामि । अहासुहं देवाणुप्पिया ! तए णं से कंडरीए जाव थेरे वंदइ नमसइ २ थेराणं अंतियाओ पडिनिक्खमइ २ तमेव चाउग्घंट आसरहं दुरूहइ माव पच्चोरुहइ जेणेव पुंडरीए राया तेणेव उवागच्छइ करयल जाव पुंडरीयं रायं एवं वयासी - एवं खलु मए थेराणं अंतिए धम्मे निसंते से धम्मे अभिरुइए । तए णं जाव पव्वइत्तए । तए ण से