Book Title: Updhan Margopadeshika Author(s): Samyagdarshanvijay Publisher: Ladol S M P Jain Sangh View full book textPage 7
________________ ઉપધાનતપના આરાધકો યોગ્ય ઉપધાન એ શ્રાવકજીવનનું પરમકર્તવ્ય છે. ચૌદપૂર્વનો સાર ગણાતો નમસ્કાર મહામંત્ર એ ઉપધાન ન કરનાર આત્મા માટે અણહકની મૂડી છે. ઉપધાન કરનાર આત્મા વિધિપૂર્વક નમસ્કાર મહામંત્ર આદિ સૂત્રો ગુરુમુખે ગ્રહણ કરે ત્યારે એ તેની પોતાની હકની મૂડી બને છે. સાધુજીવનનો આસ્વાદ ઉપધાન દ્વારા આત્મા મેળવી શકે છે. જૈન શાસનમાં આ તપની આરાધનાને એક ખૂબ જ મહત્વની આરાધના ગણી છે. નિયમિત જીવન, નિશ્ચિત જીવન અને નિરોગી જીવનનો સરવાળો એટલે ઉપધાન જેનો પુણ્યનો સિતારો ચળકતો હોય તે જ પુણ્યાત્માને આ મહાનતપના આયોજનમાં જોડાવાની ઈચ્છા જાગે અને જે પુણ્યાત્માનો પુણ્યાનુબંધી પુણ્યનો ઉદય હોય તેને જ આવા સામૂહિક અનુષ્ઠાનો યોજવાનો ભાવોલ્લાસ જાગે. શ્રી લાડોલ જેવા પ્રાચીન નગરની શીતલ છાયામાં ગુરુનિશ્રાએ ઉપધાન કરવાનો તમોને શુભસંયોગ મળ્યો છે તો વિધિપૂર્વક એવી સુંદર આરાધના કરી લો કે વહેલામાં વહેલું સાધુપણું ઉદયમાં આવે અને એ સાધુપણા દ્વારા વહેલામાં વહેલો સંસારનો અંત આવી જાય અને સિદ્ધિગતિ પ્રાપ્ત થઈ જાય. આચાર્ય વિજ્યમુક્તિપ્રભસૂરિPage Navigation
1 ... 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56
