Ratna Sanchay Prakaranam

Author(s): Harshsuri
Publisher: Bhadrankar Prakashan

Page 9

હુબલી ધારવાડ જિલ્લાના નિવાસી “શેઠ ચતુર્ભુજભાઈ તેજપાળ' છે. તેમની પ્રેરણાથી જ આ ગ્રંથ છપાવ્યો છે. આ ગ્રંથની લખેલી પ્રતોમાં મૂળ ગાથા અને તેના પર જૂની રૂઢિ પ્રમાણે ટબો પૂરેલો હતો તેની ત્રણ પ્રતો મળી શકી હતી. તે ત્રણે ઘણી અશુદ્ધ હતી, તો પણ કોઈ કોઈ ઠેકાણે પ્રત્યંતર તરીકે કામ લાગી હતી. આ ગ્રંથનું ગુજરાતી ભાષાંતર “શ્રી જૈન ધર્મ પ્રસારક સભાના શાસ્ત્રી જેઠાલાલ હરિભાઈ પાસે કરાવ્યું છે. તેમાં શબ્દાર્થ અને તે ઉપર અમુક અમુક ઠેકાણે વિશેષાર્થ લખતાં તેમણે પોતાનો જૈનશાસનનો અનુભવ પણ બતાવી આપ્યો છે. ત્યારપછી મેં પોતે વાંચી જઈ તેમાં મારાથી બની શક્યો તેટલો સુધારો વધારો કર્યો છે. તે ઉપરાંત આ ગ્રંથની તૈયાર થયેલી પ્રેસકોપી હુબલી મોકલતાં શેઠ ચતુર્ભુજભાઈના ધર્મમિત્ર “ગાંગજીભાઈ રવજી' કે જેઓ જૈનશાસ્ત્રના સારા અનુભવી છે તેમણે પણ લક્ષપૂર્વક વાંચીને કેટલીક સૂચનાઓ કરી હતી, તે ઉપર ઘટતું ધ્યાન આપવામાં આવ્યું છે.
મળેલી ત્રણે પ્રતો પ્રાયઃ અશુદ્ધ હતી, તેમાં બનતા પ્રયાસે શુદ્ધિ કરી છે. છતાં કોઈ ઠેકાણે અશુદ્ધિ રહી ગઈ હોય તો તે વિદ્વાનોએ શુદ્ધ કરી અમોને જણાવવા કૃપા કરવી.
આ ગ્રંથ રચાયાની સંવત મળી શકી નથી, તો પણ મળેલી પ્રતમાંથી એક મતના અંતમાં આ પ્રમાણે લખ્યું છે -
इति श्री रत्नसंचयग्रन्थ सूत्रटबार्थतो संपूर्णेति भद्रं. संवत १८३३ वर्षे शाके १६९८ प्रवर्तमाने
ઇત્યાદિ. બીજી પ્રતમાં -
इति श्री रत्नसंचयग्रन्थ सिधान्तसारोद्धारे टबासूत्र संपूर्ण ॥ श्री सूर्यपुरे संवत १८०६ वर्षे कार्तिकमासे -
ઈત્યાદિ. ત્રીજી પ્રતમાં સંવત લખી નથી. આ પ્રમાણે પ્રત લખ્યાનો સંવત જોવામાં આવી છે. તેથી ત્યારે અગાઉ આ ગ્રંથ તૈયાર કરવામાં આવ્યાનું સમજી શકાય છે.
આ ગ્રંથમાં આવેલા કુલ ૩૩૬ વિષયોની અનુક્રમણિકા આપેલી છે. ઉપરાંત કોઈ કોઈ ખાસ વિષયો ઉપર વિસ્તારાર્થ અને કથા વિગેરે
T
રત્નસંચય ૦ ૮
]