Uvasaggahara Stotra Guj

Author(s): Namramuni
Publisher: Parasdham Mumbai

Page 7

પૂજ્ય તો પૂજા થઈ એટલે વાત પૂરી...! બહાર નીકળ્યાં એટલે બધું ભૂલાઇ જાય, જ્યારે પ્રિય હોય તે કયારેય ભૂલાય નહીં.
ગૌતમ માટે મહાવીર પહેલાં પ્રિય બન્યાં પછી પૂજનીય બની ગયાં... આચાર્ય ભદ્રબાહુ સ્વામીને પણ પરમાત્મા પાર્શ્વનાથ પહેલાં પ્રિય હતાં પછી પૂજનીય...!!
કોઇ પણ ભગવાનને પ્રાર્થના કરવી હોય... કઈ પણ પરમાત્માની સ્તુતિ કરવી હોય તો પહેલાં એમને પ્રેમ કરવો જોઇએ એમને ગમતાં કરવા જોઇએ. જે એકવાર ગમતાં થઇ જાય તેનું બધું જ ગમવા લાગે. પછી તેની સ્તુતિ તેના સ્તવન પણ ગમવા લાગે.. અને
જ્યારે વ્યક્તિ ગમતાને માટે ગમતું કરે છે ત્યારે તેમાં તેના ભાવ... તેના પ્રત્યેની ભક્તિ.... તેના પ્રત્યે સંવેદન...કંઇક અલગ જ પ્રકારના હોય... એમાં અનુભૂતિ હોય..!
અનુકંપાવાન આચાર્ય ભદ્રબાહુ સ્વામીએ વ્યંતર દેવ સર્જિત મારકીનો ઉપદ્રવ દૂર કરવા અને લોકોને આ ઉપદ્રવથી મુક્ત કરવા એકાંત સ્થાને જઇ પરમાત્મા પાર્શ્વનાથને કેવા હૃદયનાં ભાવથી પ્રાર્થના કરી હશે... વિનંતિ કરી હશે. અરજી કરી હશે... આજીજી કરી હશે કે પાર્શ્વનાથ પરમાત્મા અધિષ્ઠિત દેવ પાર્થયક્ષ સ્વયં એમની સેવામાં હાજર થઇ ગયા..!!
પરમાત્માને વિનંતિ કયારે થાય ? હૃદયનાં ભાવો ઉત્કૃષ્ટ કયારે થાય..? જ્યારે પ્રેમ હોય ત્યારે...!!
ભકિત એ પ્રેમનો પ્રકાર છે. પ્રેમ એભકિતનો પર્યાય છે.
મહાપ્રભાવક શ્રી ઉવસગ્ગહર સ્તોત્ર એ પરમાત્મા પાર્શ્વનાથ પ્રત્યેની ભક્તિને અભિવ્યકત કરવાની પાવન સ્તુતિ છે. જે વ્યક્તિ ભાવથી, શ્રધ્ધાથી, વિશ્વાસથી પરમાત્મા પાર્શ્વનાથની આ સ્તુતિનું સતત સ્મરણ કરે છે તેમાં સર્વ સંકલ્પો નિર્વિને પરિપૂર્ણ થઈ જાય છે... એના સઘળાં કાર્યો સફળ થઈ જાય છે. એનાં બધાં જ Problem solve થઇ જાય છે... અશક્ય માં અશક્ય કાર્ય પણ શક્ય બની જાય છે... આ કાળમાં જ્યારે દરેક વ્યક્તિ કંઇક પણ કરતાં પહેલાં એમાંથી તેને મળતાં લાભને જુએ છે, તાત્કાલિક ફળની ઇચ્છા રાખે છે. સારા પરિણામની આશા રાખે છે ત્યારે આ મહાપ્રભાવક શ્રી ઉવસગ્ગહર સ્તોત્ર તેમનાં માટે શ્રેષ્ઠ પુરવાર થાય છે... પણ આ શક્ય ત્યારે જ બને જ્યારે સ્તોત્ર શુધ્ધ ઉચ્ચારથી.. અને લયબધ્ધ પધ્ધતિથી, શ્રધ્ધા