________________
શ્રી ઉવસગ્ગહર સ્તોત્રને બોલવાની લયબધ્ધ પધ્ધતિ..!!
આ સ્તુતિ તો પરમાત્માને પોકારવાની પ્રાર્થના છે... પરમાત્માના આહ્વાનની આજીજી છે... આપણી વ્યથા અને વેદનાને વાચા આપતી વિનંતી છે. માટે આ સ્તવના કરતી વખતે આપણી શ્રધ્ધા ભાવના એવી પ્રબળ હોવી જોઇએ, જેમ બાળકનો અવાજ સાંભળી ‘મા' દોડી આવે... જેમ ખીલે બાંધેલા વાછરડાનાં ભાંભરવાથી સીમમાં ચરતી ગાય દોડી આવે... તેમ આપણો સ્તુતિનો નાદ સાંભળીને સ્વયં પરમાત્માને આપણી પાસે દોડી આવવાનું મન થાય..!! કોઇ પણ સ્તોત્રનું સ્મરણ જો યથાવિધી કરવામાં આવે તો જ સિધ્ધિ પ્રાપ્ત થાય છે.
ધર્મ બે રીતે થાય છે... એક તમારું ચિંતન જે તમને ડાયરેક્ટ આત્મા તરફ લઇ જાય છે અને બીજો છે ભક્તિનો માર્ગ...!
“ભકિત વગરનું જ્ઞાન જગતને આંજી શકે છે, પણ માંજી શકતું નથી.”
આચાર્ય શ્રી ભદ્રબાહુ સ્વામીએ મહાપ્રભાવક શ્રી ઉવસગ્ગહર સ્તોત્રની લયબધ્ધતા સમજાવી છે.
પહેલું પદઃ
પહેલું પદ “હંસ ગતિ”થી
બોલવાનું હોય છે. જેમ હંસ ધીરે ધીરે પાંખ
ફેલાવી ઉડવાની તૈયારી કરે છે તેમ આ સ્તોત્રનાં એક એક
અક્ષર ધીમે ધીમે મુખકમલમાંથી નીકળવા જોઇએ !
બીજું પદ
બીજું પદ સિંહના નાદની જેમ બોલવાનું છે. સિંહની ગર્જનાની જેમ ફોર્સથી નાભિના ઊંડાણથી અક્ષરો બહાર કાઢવા જોઇએ. આવો અંતરનો નાદ આપણી આસપાસ એક એવા સુરક્ષા મંડળની રચના કરે છે જે આપણી સાધનાને વિચલીત થવા ન નદે!
19
