________________
કરી ભવિષ્ય જણાવ્યું કે આ કુંવર આજથી સાતમાં દિવસે બિલાડીથી મૃત્યુ પામશે. મંત્રીએ રાજાને સર્વવૃતાંત જણાવ્યો. રાજાને તે સાંભળી દુઃખ થયું. રાજપુરોહિત તો સો વર્ષનું આયુષ્ય બતાવે છે. આ જૈનાચાર્ય શિક્ષાને પાત્ર જ છે. તેમની વાણી પણ અવળી જ છે. પણ ના... સાત દિવસનો જ પ્રશ્ન છે. ૭ દિવસ પછી તેમને શિક્ષા આપીશ. તેમ વિચારીને રાજાએ આચાર્યની આગાહી ખોટી પાડવા આખા નગરમાંથી બિલાડીને પકડી નગરના કિલ્લાની બહાર દૂર-દૂર મૂકી આવવા કર્મચારીઓને આજ્ઞા કરી. ૫-૬ દિવસમાં બધી જ બિલાડીઓને નગર બહાર કાઢી મૂકવામાં આવી. સાતમાં દિવસની સવાર થઇ. રાજા નચિંત હતાં. રાજમહેલ તો શું આખા નગરમાં બિલાડીનું નાનું બચ્ચું પણ નથી. હવે મારા કુંવરનો વાળ વાંકો થવાનો નથી.
યુવરાજને તૈયાર કરી હાથમાં તેડી દાસી એક ઓરડામાંથી બીજા ઓરડામાં જતી હતી ત્યાં ઉપરથી લોખંડની ભાગોળ (આગળીયો) પડી અને નવજાત બાળકના માથે જ પડવાથી બાળક તત્કાળ મૃત્યું પામ્યું. રાજા અને રાજપરિવાર પર વજ્રપાત થયો. ભદ્રબાહુ સ્વામીની વાત સાચી ઠરી... પુત્ર મરણથી શોકસંતમ રાજાએ વિચાર્યુ જૈનાચાર્યની એકવાત તો સાચી ઠરી પણ બિલાડીથી મૃત્યુ થશે તે વાત સત્ય નથી... તે માટે રાજાએ મંત્રીને જૈનાચાર્ય પાસે મોકલ્યા.
ભદ્રબાહુસ્વામીએ જણાવ્યું કે તે ભાગોળ પર બિલાડીનું મહોરું છે તમે તપાસ કરો. મૃત્યુમાં બિલાડીના આકારવાળી ભાગોળ જ નિમિત્ત બની છે. રાજાએ તપાસ કરતાં તે વાત સત્ય જણાતા જૈનાચાર્ય પ્રત્યે માન વધી ગયું. પરિણામે વરાહમિહિર ભદ્રબાહુસ્વામી પ્રત્યે વધુ દ્વેષીત બન્યો. તત્પશ્ચાત બીજી આગાહીઓમાં પણ વરાહમિહિરની ગણતરી થોડી વિપરીત હોય અને ભદ્રબાહુસ્વામીની આગાહી એકદમ અનુરૂપ હોય. વરાહમિહિરે લાગ્યું કે આ રાજ્યમાં રહેવું હવે ઉચિત નથી. મારા જ્ઞાનની કમી જ મારા માન-સન્માનમાં બાધક બને છે. આ ભદ્રબાહુ જ મારી પ્રતિષ્ઠા જોઇ
શકતો નથી. તેમ વિચારી રાજ્ય છોડી જંગલમાં ચાલ્યો જાય છે.
વરસો સુધી તપ કરી આયુષ્ય પૂર્ણ કરી વ્યંતર દેવ રૂપે ઉત્પન્ન થાય છે. વરાહમિહિર વ્યંતરદેવે અવધિજ્ઞાનથી પૂર્વભવ જોયો. ભદ્રબાહુસ્વામીને જોતાં જ પૂર્વ દ્વેષ જાગૃત થયો. અનેક દિવ્ય શક્તિઓના કારણે તે હવે બદલો લેવા સમર્થ હતો. વ્યંતર દેવે ચતુર્વિધ સંઘમાં મરકી રોગ ફેલાવી દીધો.
8
