________________
તેઓશ્રીએ આ સ્તોત્રની ઉપાસના કે સાધના જ નથી કરી, પરતું તેઓશ્રીએ આ મંત્રને સિધ્ધ કરેલ છે. આવા સિધ્ધયોગી પાસેથી આ સ્તોત્રરૂપી મંત્રને ગ્રહણ કરી, તેના
જપમાં જે સાધકો તન્મય બને છે તેના પાપ કર્મો નિર્જરવા લાગે છે. જપ એ એક પ્રકારનો સ્વાધ્યાય છે, સ્વાધ્યાય તે એક પ્રકારનું તપ છે અને તપ કર્મોને દૂર કરવાનું અમોધ સાધન છે. જપ સ્વાધ્યાય દ્વારા ભારે કર્મો હળવા બને છે, દીર્ધ સ્થિતિવાળા કર્મો અલ્પ સ્થિતિવાળા બને છે, તીવ્રફળ આપનાર કર્મો મંદ ફળદાયી બને છે. જપ સાધના વધતી જાય તેમ કર્મો ક્ષીણ થતાં જાય અને કર્મો ક્ષીણ થતાં મુશ્કેલીઓ, ઉપસર્ગો, બીમારીઓ, રોગો, પ્રતિકૂળતાઓ શાંત થાય છે. આ રીતે સિધ્ધયોગીથી પ્રાપ્ત આ સ્તોત્ર આપણા સહુના વિઘ્નો ઉપસર્ગો, રોગો, દૈવી પ્રકોપો, ઉપદ્રવોને અવશ્ય શાંત, પ્રશાંત, ઉપશાંત કરે છે. વરસાદ ધોધમાર વરસે પણ જેના પાત્રમાં કાણું હોય તે પાણી ઝીલી ન શકે. કદાચ પાણી ઝીલી પણ લે તો લાંબો સમય પાણીને સાચવી ન શકે. શ્રધ્ધાભાવ,આદરભાવ સાથે વિનયપૂર્વક ઉવસગ્ગહરં સ્તોત્ર રૂપ મંત્રને ગુરુમુખે સ્વીકારવો જોઈએ.
સ્તોત્રનો અર્થ...
અર્ધમાગધી ભાષામાં રચાયેલા આ સ્તોત્રનો અર્થ સાધક જાણે તો તે પાર્શ્વનાથ ભગવાનના ગુણોમાં તન્મય બની શકે છે. એક-એક શબ્દના ઉચ્ચારણ સાથે તેના ભાવાત્મક ચિત્રો દ્દષ્ટિ સમક્ષ આવતા જાય અને ચિત તેમાં જ રમમાણ રહે છે.
પ્રથમ ગાથા
ઉવસગ્ગહરં પાસં, પાસ વંદામિ કમ્મઘણમુક્યું, વિસહર વિસ નિન્નાસં, મંગલ કલ્લાણ આવાસ...૧
ઉવસગ્ગહર
પાસ
: ઉપસર્ગો, કષ્ટો, મુશ્કેલીઓ અને પ્રતિકૂળતાઓને દૂર કરનાર (પરમાત્મા પાર્શ્વનાથ)
• પાર્શ્વનાથ ભગવાનના સ્મરણમાં જે રહે છે એ પાર્શ્વ નામનો દેવ પાર્શ્વયક્ષ ! પાર્શ્વનાથ ભગવાન પ્રત્યેની ભક્તિનાં કારણે પાર્શ્વનાથ ભગવાનના ઉપાસકને તે દેવ હંમેશાં સહાય રૂપ બને છે.
12
