________________
.પૂ. ગુરુદેવનું આશીર્વચન
જ્ઞાનના પ્રકાશે પરમપદના પથિક બનીએ જ્ઞાનના સહારે સાધનાના સ્વસ્તિક પૂરીએ. જ્ઞાન દીપકને હાથ ધરો અને આત્મસંપત્તિને વો જ્ઞાની ક્દી હસતો નથી. જ્ઞાની કદી રડતો નથી. સંસાર કેરા ઝઘડામાંહી, જ્ઞાની કદી પડતો નથી. જ્ઞાન એ આત્માનું અજવાળું છે.
જ્ઞાન એ હૃદયની રમ્ય રોશની છે.
જ્ઞાન એ જીવન નહિ, ઝળહળતી જ્યોતિ છે. જ્ઞાન એ કંર્મવ્યાધિને દૂર કરવા ૨ામબાણ રસાયણ છે. જ્ઞાનની આરાધના એટલે ખોવાયેલ
આત્મલક્ષ્મીને ‘શોધવાનો કામણગારો કીમિયો
9
કોડિયું ભલે નાનું હોય પણ તેનો પ્રકાશ ચોમેર પ્રસરે છે... પુષ્પ ભલે નાનકડું હોય પણ તેની સુવાસ સૌને આકર્ષે છે... તેમ જ્ઞાનદીપકને અખંડિત રાખવા... તેના દ્વારા અનેક આત્મમંદિરોમાં શ્રદ્ધાનો પ્રકાશ પાથરવા...તત્ત્વને પમાડવા... જે પ્રયત્ન કર્યો છે... સત્ત્વને ખીલવવા જે શ્રમ કર્યો છે, તે પ્રશંસનીય છે.
આપણું ભવભ્રમણ અજ્ઞાનતાના કારણે અટક્યું નથી પરંતુ સમ્યજ્ઞાનના અભાવે અટક્યું છે. ચારિત્રને પાળીને પણ અભવ્યજીવોનો સંસાર ચાલુને ચાલુ જ રહે છે. તેથી સમ્યજ્ઞાનપૂર્વકની ક્રિયા માટે સૂત્ર અને અર્થસહિતની સમજણ અને શ્રદ્ધા અતિ જરૂરી છે.
સૂત્ર એ દોરા જેવું છે... જ્યારે અર્થ એ સોય જેવો છે. આત્મમંદિરના બારણાને ખોલવા અર્થ એ ચાવીનું કામ કરે છે. આત્મખજાનાને શોધવા માટે અર્થ એ સર્ચલાઈટનું કામ કરે છે...
અર્થને સારી રીતે સમજવાથી પ્રવૃત્તિમાં ફલવતી બને એવી પરિણતિ ઉભી થાય છે. આ રીતે સમ્યજ્ઞાન થવાથી આત્માનું ભાન થાય છે, હેય-ઉપાદેયનું જ્ઞાન થાય છે. આ પુસ્તક હેયનું હાનન અને ઉપાદેયનું ઉપાદાન કરાવવા દ્વારા આધ્યાત્મિક વિકાસનું સોપાન બની રહે એજ મંગલ મનોકામના...
આ પુસ્તિકાના માધ્યમથી અધ્યાત્મરસિક જીવો પ્રે૨ણામૃતને પ્રાપ્ત કરી પરમાર્થને પામવા ભાગ્યશાળી બને... તે જ શુભાશિષ.
-સા.ચંદ્રાનનાશ્રીજી
