________________
(૧૪) શું ગમે ? શું ન ગમે ?||
(૯, ૧૦) સ્થિર - અસ્થિર નામકર્મ આપણા સમગ્ર શરીરની રચના માતાપિતાએ કરી નથી પણ કર્મે કરી છે. નવ મહીના ગર્ભકાળમાં કાંઈ માતાએ પેટમાં હાથ નાંખીને હાથ - પગ વગેરે આપણા જુદા જુદા અવયવોને ઘડવાનું કામ નહોતું કર્યું.
જો માતાએ જ તે કાર્ય કરવાનું હોત તો આ દુનિયામાં કોઈ પણ દીકરો બેડોળ કે કદરુપો ન હોત. બધા સર્વાંગસુંદર હોત. બધી છોકરીઓ બ્યુટીફુલ હોત અને બધા છોકરાઓ હેન્ડસમ હોત ! અરે ! બધા જ તેવા હોત તો બ્યુટીફૂલ કે હેન્ડસમ શબ્દોની જરુર જ ન પડત!! કારણ કે કઈ માતા પોતાના પુત્ર-પુત્રીને સુંદર રુપવાન બનાવવા ન ઈચ્છે? કોણ પોતાના દીકરાને કદરુપો બનાવવા તૈયાર થાય?
પણ, માતાના હાથમાં કાંઈ નથી; બધું કર્મના હાથમાં છે. કર્મો શરીરના કેટલાક અવયવોને રબ્બરના જેવા ઢીલા - લીલા - કોમળ કરે છે, જેમ કે જીભ..
જ્યારે કેટલાક અવયવોને એકદમ કઠણ, વળે નહિ તેવા, મજબૂત, સ્થિર કરે છે, જેમ કે દાંત.
શરીરના કેટલાક અવયવો દુનિયામાં શુભ ગણાય છે, તો કેટલાક અવયવો દુનિયામાં અશુભ ગણાય છે. એક જ શરીરના અવયવો હોવા છતાં ય તેમાં આવા તફાવત કરવાનું કાર્ય કર્મોનું છે.
અરે ! જ્યારે આખું શરીર પોતે જ કર્મથી જન્ય હોય તો તે શરીરના જુદા જુદા અવયવો કર્મથી જન્ય હોય તેમાં શી નવાઈ છે? શરીરના જુદા જુદા અવયવોની રચના નામકર્મના જુદા જુદા પેટા ભેદોને આભારી છે. દરેક અવયવનું જુદી જુદી રીતે નિયમન કરનાર કર્મ જુદું જુદું હોય છે. તે તે કર્મ તે તે અવયવ તથા તેવી તેવી તેની રચના ઉપર બરોબર ધ્યાન રાખે છે.
શરીરમાં દાંત, હાડકા વગેરે જે જે અવયવો કડક છે. સ્થિર છે; વળી જતા નથી, નમી જતા નથી, કોમળ બનતા નથી, હલતા નથી તેની પાછળ સ્થિર નામકર્મ કારણ છે. અવયવમાં દઢતા અને સ્થિરતા લાવવાનું કાર્ય આ કર્મનું છે. તેના કારણે આપણું શરીર કે તેના અવયવો નમી જતાં નથી, વળી જતાં નથી, લબડી જતાં નથી.
આ સ્થિર નામકર્મ જેટલું પ્રબળ – જોરદાર, દાંત - હાડકાં વગેરે એટલાં જ સુદઢ રહેશે. આ કર્મની અવધિ જેટલી લાંબી હશે તેટલા લાંબા સમય સુધી દાંત વગેરે અવયવો મજબૂત રહેશે. અવધિ પૂર્ણ થતાં હલવા લાગશે, તુટી જશે. વિદાય લેશે. . .
આ આખા ૯૫ જ કર્મનું કમ્યુટર ભાગ-૩
