Tu Rangai Jane Rangma 05

Author(s): Purnanand Prakashan
Publisher: Purnanand Prakashan

Page 9

తెను వాడా పెడా పెడాపెడామడా పెడా మడా పంపడామడా
తడబడులు
పలుమతులు
అందుకు
માતૃ-પિતૃ ભક્ત શ્રવણ એક ગામમાં એક બ્રાહ્મણ કુટુંબ હતું. કુટુંબ ગરીબ હતું. કુટુંબમાં ત્રણ સભ્ય હતા. મા-બાપ અને તેમનો છોકરો. શ્રવણનાં મા-બાપ અંધ હતાં તેમાં પણ વળી તેમને વૃદ્ધત્વ આવ્યું હતું.
એમના જીવનની લાકડી ગણો કે ટેકો ગણો એ માત્ર શ્રવણ જ હતો. શ્રવણ મા-બાપની ભક્તિ કરવામાં જરાયે કસર રાખતો ન હતો. શ્રવણ માતૃ-પિતૃભક્ત હતો. વિનયી, વિવેકી, ગુણવાન હતો. મા-બાપના પડતા બોલને ઝીલનારો હતો. એના હૃદયમાં મા-બાપનો પ્રેમ ખરેખર રગ-રગમાં વસેલો હતો.
ઘણા વખતથી શ્રવણનાં મા-બાપને અડસઠ તીર્થની યાત્રા કરવાની ઇચ્છા હતી. પણ ગરીબાઈ અને અંધાપાના કારણે પૂરી થઈ ન હતી. તેમાં પણ તેમને વૃદ્ધત્વ આવ્યું હતું. એટલે તેમના માટે તીર્થ જાત્રા કરવાની વાત એ પરીકથા જેવી થઈ ગઈ હતી. તેમના મનમાં સદાય અજંપો રહ્યા કરતો હતો. તેથી મોં ઉપર ઉદાસીનતા હતી.
એકવાર શ્રવણે માતા-પિતાને પૂછ્યું કે હે માતા-પિતા ! સૂર્યના આગમનથી ચંદ્ર વિકાસી કમળ કરમાઈ જાય તેમ તમારું મુખકમળ કેમ કરમાઈ ગયું છે? તમે મને કહો હું તમારી ઇચ્છા પૂરી કરીશ, તમે કહેશો તો મારી ચામડીનાં પણ પગરખાં બનાવી તમને આપીશ તેથી હે માતા-પિતા તમારા દુ:ખનું કારણ મને જણાવો.
ત્યારે માતા-પિતાએ શ્રવણને કહ્યું હે માતૃ-પિતૃ ભક્ત ! તેં અત્યાર સુધી અમારી બધી જ ઇચ્છાઓ પૂરી કરી છે પણ અમારી ઘણા સમયથી ૬૮ તીર્થની જાત્રા કરવાની ઇચ્છા હતી. પૈસાના અભાવે તે ઇચ્છા પૂરી થઈ ન શકવાથી આજે અમે નિરાશ બની ગયાં છીએ. તારી પાસે પણ પૈસા નથી તો તું પણ શું કરી શકે ? તેથી અમોએ તને ક્યારેય વાત કરી નથી.
માતા-પિતાની વાત સાંભળી શ્રવણ દુઃખી થઈ ગયો. મા-બાપની એક પણ ઇચ્છા અધૂરી રહે તે શ્રવણને મંજૂર ન હતું. પોતાની પાસે પણ પૈસા નથી તો શું કરવું? એમ વિચારતાં શ્રવણને ઉપાય મળી ગયો. ભૂખ્યાને ભોજન અને તરસ્યાને પાણી મળતાં આનંદ થાય તેવો આનંદ શ્રવણને થયો, જાણે મા-બાપની અમૂલી સેવા કરવાનો મોકો મળી ગયો.. પૈસાથી નહીં પણ જાતે જ મા-બાપને ઊંચકી યાત્રા કરાવવાની તૈયારી કરી. શ્રવણે મા-બાપને બેસાડવા બે બાજુ ટોપલા અને વચ્ચે દંડો નાખી કાવડ તૈયાર કરી, માતા-પિતાને વિનંતી કરી કાવડની એક બાજુ માને અને બીજી બાજુ બાપુજીને બેસાડી કાવડ ખભે મૂકી ભગવવાનનું નામ લેતાં લેતાં શ્રવણ ચાલવા લાગ્યો... નથી તેને ભાર લાગતો, નથી તેને થાક લાગતો... નથી તેને શરમ આવતી... મા-બાપને યાત્રા કરાવવાનો ઉત્સાહ છે. આનંદ છે... થાક કે શરમ હોય ક્યાંથી?
માતા-પિતાનો પણ ૬૮ તીર્થની યાત્રાની વાતથી મનમયૂર નાચી ઊઠ્યો. ઉદાસીનતા ચાલી ગઈ. ખુશખુશ થઈ ગયાં. દીકરા ઉપર ખૂબ ખૂબ હેત ઊભરાઈ આવ્યું. વિચારે છે કે દીકરા હોય તો આવા હોજો...
શ્રવણ પણ ૬૮ તીરથની યાત્રા કરાવવાની ભાવનાથી ગામે-ગામ આગળ વધી રહ્યો છે. તીરથ આવતાં માતાપિતાને ભાવથી યાત્રા કરાવે છે.
ગામે ગામે હજારો લોકો પણ શ્રવણની માતા-પિતાની ભક્તિને વંદન કરે છે. બાળકો : ૧. શ્રવણની જેમ વૃદ્ધ મા-બાપની લાકડી બનીને રહેજો.
૨. મા-બાપની એક પણ ઇચ્છા અધૂરી રહે તો દુઃખી થઈ જાય તે દીકરો કહેવાય. ૩. માતા-પિતાને ખભે ઊંચકીને શ્રવણ યાત્રા કરાવે છે. તમો મા-બાપ (પપ્પા-મમ્મી)ની સેવા કેવી રીતે કરશો? ૪. માત-પિતાની ગમે તે પ્રકારની સેવામાં શરમ ન લગાડતા.
કિજી જિળિDommemote people ofmontum performeme/