________________
બહુ દૂર સુધીના વિચારો કરીને, આ પરિણામિક બુદ્ધિના આધારે પૂજ્યપાદ ગુરુદેવ પં. શ્રી ચન્દ્રશેખર વિ. મ. સાહેબે આજથી ૨૦-૨૫ વર્ષ પહેલાં યુવાનોના જીવનને સદાચારી બનાવવા પ્રયત્નો આદર્યા.
અખિલ ભારતીય સંસ્કૃતિ રક્ષક દળ તથા વર્ધમાન સંસ્કૃતિ ધામ જેવી સંસ્થાઓ દ્વારા અનેક યુવાનોને તૈયાર કર્યા, જેનું પરિણામ આજે સ્પષ્ટપણે દેખાય છે.
અનેક ગામોમાં આ યુવાનો પર્યુષણ પર્વની સુંદર આરાધનાઓ કરાવે છે. શ્રી શત્રુંજય ગિરિરાજ પર રજનીકાંતભાઈ દેવડીએ કરાવેલા અભિષેક કાર્યની સંપૂર્ણ જવાબદારી આ યુવાનોએ સંભાળી હતી. પ્રાચીન સંસ્કૃતિ પ્રમાણે નીકળેલા ગિરનારજીના સંઘમાં આ યુવાનોનું પ્રદાન ઓછું નહોતું. મુંબઈ જેવી મોહમયીનગરીના ૯૦૦થી વધારે યુવાનોએ ચોવિહાર છઠ્ઠ કરીને શત્રુંજય ગિરિરાજની સાત યાત્રા કરીને બધાને આશ્ચર્યમુગ્ધ બનાવી દીધા છે. અનેક યુવાનો ચોવિહાર હાઉસ દ્વારા રોજ ચોવિહાર કરે છે, તે શું આશ્ચર્યની વાત નથી?
પરિણામિકી બુદ્ધિના પ્રભાવે શરૂઆતથી જ બાળકોને ઉગારી લેવા તપોવનો ઊભા કરાયા છે. જેમાં સાચા માણસો તૈયાર કરાઈ રહ્યા છે. હજુ દશેક વર્ષ પછી તેના વિશિષ્ટ કોટિના પરિણામો નજરે દેખાશે.
આ અશ્રુતનિશ્રિત મતિજ્ઞાનના (૧) ઔત્પાતિકી (૨) વૈનાયિકી (૩) કાર્મિકી અને (૪) પારિણામિક બુદ્ધિ, એમ ચાર પ્રકારો છે. જયારે શ્રુતનિશ્રિત મતિજ્ઞાનના ૨૮ પેટા ભેદો છે.
અવારનવાર એવા કિસ્સા સાંભળવા મળે છે કે જેમાં કોઈ વ્યક્તિને પોતાના પૂર્વભવોનું જ્ઞાન થયું હોય. એલેકઝાન્ડર કેનોના નામની વ્યક્તિએ “ધ પાવર વિધિન' નામનું પુસ્તક લખેલ છે, જેમાં તેણે પૂર્વભવો યાદ આવ્યાના ઘણા કિસ્સાઓ જણાવ્યા છે. આ પૂર્વભવોના જ્ઞાન રૂપ જાતિસ્મરણજ્ઞાન પણ મતિજ્ઞાનનો જ એક પેટા પ્રકાર છે. મતિ જ્ઞાનાવરણીય કર્મનો જો તેવા પ્રકારનો ક્ષયોપશમ થાયતો જાતિસ્મરણ જ્ઞાન પેદા થાય છે, અને તે જ્ઞાન દ્વારા જીવ પોતાના પૂર્વભવોને આબેહૂબ જાણી શકે છે.
આ મતિજ્ઞાનને પ્રગટ થતું અટકાવનાર કર્મછે, તે મતિજ્ઞાનાવરણીય કર્મ કહેવાય છે. તે કર્મના ઉદયે જીવ અજ્ઞાની બને છે. ભણવા છતાં તેને યાદ રહેતું નથી. તેની ધારણાશક્તિ મંદ પડે છે. યાદ રાખેલું પણ તે ભૂલી જાય છે. તે જડભરત જેવો લાગે છે. તેવું ન બનવાદેવા આ મતિ જ્ઞાનાવરણીય કર્મને ખતમ કરવાની સાધના કરવી જોઈએ. તથા નવું ન બંધાય તેની કાળજી રાખવી જોઈએ. કાજ a
૮ BE કર્મનું કમ્યુટર ભાગ-૨ ક
