________________
સાંભળીને તેમના શિક્ષક પ્રત્યે અરુચિભાવ પેદા કર્યો તથા તેમના પુસ્તકો આગમાં સળગાવ્યા તો તેણે મરીને બીજા ભવમાં શેઠની મુંગી - રોગી પુત્રી ગુણમંજરી બનવું પડ્યું. જ્ઞાનાવરણીય કર્મે તેની ઉપર બરોબર હુમલો કર્યો.
તે જ રીતે દીક્ષા લઈને આચાર્ય બનેલા નાનાભાઈ વસુસાર મુનિએ - વારંવાર પ્રશ્નો પૂછવાથી ઊંઘમાં ખલેલ પડતાં, પોતે - ભણવા બદલ પસ્તાવો કર્યો, પોતાના ભાઈ નથી ભણ્યા તેની પ્રસંશા કરી અને હવે પછી નહિ ભણવા નહિ ભણાવાનો નિર્ણય કર્યો તો પછીના ભવમાં તેઓ કોઢીયા - જડ – મૂરખના જામ વરદત્ત કુમાર નામના રાજકુમાર બન્યા. જ્ઞાનાવરણીય કર્મે તેમની પાસેથી બુદ્ધિ ઝૂંટવી લીધી.
જ્ઞાની ગુરુભગવંત પાસેથી પૂર્વે ભવોમાં પોતે બાંધેલા જ્ઞાનાવરણીય કર્મની જાણ થતાં, તેમણે તે જ્ઞાનાવરણીય કર્મને તોડવાનો ભીષણ પુરુષાર્થ આરંભ્યો.
આપણી ઈચ્છા પણ જો આ જ્ઞાનાવરણીય કર્મનો ક્ષય – ક્ષયોપશમ કરવાની હોય તો આપણે પણ તેમના જેવી આરાધના કરવાનું શરૂ કરવું જોઈએ.
કારતક સુદ પાંચમને જ્ઞાનપંચમી કહેવાય. તે દિનથી તેમણે જ્ઞાનપંચમી તપનો આરંભ કર્યો. દર મહીનાની સુદ પાંચમે ચોવિહારો ઉપવાસ કરવાનો. ઉભયટંક પ્રતિક્રમણ તથા ત્રિકાળ દેવવંદન કરવાના. વ્યાખ્યાન સાંભળવાનું. જ્ઞાનને ઊંચા સ્થાને પધરાવીને પાંચ દીવેટનો દીવો કરવો. જ્ઞાનના ૫૧ ખમાસમણ દેવાના. ૫૧ લોગસ્સનો કાઉસ્સગ્ગ કરવાનો. ઊંચામાં ઊંચા નૈવેદ્ય - ફળ ધરવાના. ‘‘ૐ મૈં નમો નાણસ્સ’ મંત્રની ૨૦ માળા ગણવાની.
દર મહિને ૫૧ સાથીયા વગેરેની અનુકૂળતા ન હોય તો છેવટે પાંચ - પાંચ - ખમાસમણ સાથીયા વગેરે કરવા,
આ રીતે સમગ્ર જીવન દરમિયાન, છેવટે પાંચ વર્ષને પાંચ માસ સુધી જ્ઞાનની આરાધના કરવાની. આ આરાધના પૂર્ણ થતાં પોતાની શક્તિ મુજબ જ્ઞાનપંચમી તપની ઠાઠથી ઉજવણી કરવાની. આ રીતે તપ કરવાથી જ્ઞાનવરણીય કર્મ તુટવા લાગે છે.
વરદત્તકુમાર તથા ગુણમંજરીએ આ જ્ઞાનપંચમી તપની સુંદર આરાધના કરી. તેના પ્રભાવે તેમના રોગો નાશ પામ્યા. ગુણમંજરી બોલતી થઈ. સુંદર પતિ તેને પ્રાપ્ત થયો. દીક્ષા લઈ તેણે પોતાનું આત્મકલ્યાણ સાધ્યું.
વરદત્ત કુમારને પણ આ તપના પ્રભાવે બુદ્ધિકૌશલ પ્રાપ્ત થયું. અનેક રાજકુંવરીને તે પરણ્યો. છેલ્લે દીક્ષા લીધી. આત્મકલ્યાણ તેમણે સાધી લીધું. આપણે પણ જો આ જ્ઞાનપંચમી તપ આરાધ્યો ન હોય તો આજે જ આ તપ કરવાનો સંકલ્પ કરવો જોઈએ. અને આવનારી કા. સુદ પાંચમથી તેનો આરંભ કરવામાં પાછી પાની કરવી નહિ. ૧૪ લોકો કર્મનું કમ્પ્યુટર ભાગ-૨
SUBJECT
