________________ , 4. તન, મન અને ધનથી બાળક પરમ ઉદાર, દયાળુ અને ઉત્કટ મહાદાનેશ્વરી બને, તે માટે માતાપિતાએ પૂજ્ય સાધુ-સાધ્વીજી મહારાજાએને પરમ ઉત્કટભાવે સુપાત્રદાન, હર્ષિત હૈયે સાધર્મિક વાત્સલ્ય અને અનુકંપા-પાત્રને પરમ કાર્યભાવે અનુકંપાદાન દેવું અને બાળક જન્મ્યા પછી વર્ષ–સવા વર્ષનું થાય એટલે બાળકના હાથે દાન દેવરાવવું. 5. પરમ શ્રદ્ધાપૂર્વક સામાયિક પ્રતિક્રમણ, નમસ્કાર મહામંત્રને જાપ, સ્વાધ્યાયાદિ પ્રતિદિન નિયમિત કરવાં. * 6. આરાધભાવ સદા સજીવન રહે, તે રીતે મનને સદા ધર્મધ્યાનમાં સ્થિર કરવા પૂર્ણ ઉદ્યોગશીલ રહેવું. 7. સર્વવિરતિ એ જ જીવનનું અંતિમ પરમ ધ્યેય એવા પરમાદર્શપૂર્વકનું ઉચ્ચતમ શ્રાવક જીવન જીવવું. 8. બાળક મહાબુદ્ધિશાળી, મહાચતુર, પરમ સજજન અને સંતશિરોમણિ બને, એ માટે અનંતાનંત પરમોપકારક પરમ તારક શ્રી તીર્થંકર પરમાત્માનાં જીવનચરિત્ર, શ્રી જિનેન્દ્રશાસનના પરમ પ્રભાવક પુણ્યવંત તારક પુરુષનાં જીવનચરિત્રે, તેમજ મહાસતીઓનાં જીવનચરિત્રનું એકાગ્ર ચિત્તે વાચન કરવું. વિકૃત, અશ્લીલ કે ધર્મશ્રદ્ધા અને ધર્મસંસ્કારથી ભ્રષ્ટ કરે તેવા સાહિત્ય ઉપર દષ્ટિપાત પણ ન કરો.
