Akhyanakmanikosha

Book Title: Akhyanakmanikosha
Author(s): Nemichandrasuri, Punyavijay, Dalsukh Malvania, Vasudev S Agarwal
Publisher: Prakrit Text Society Ahmedabad

View full book textPrevious | Next

Page 348
________________

२६१
२६. भावशल्यानालोचनदोषाधिकारे ऋषिदत्ताख्यानकम् धम्मामयतित्तमणा दूरं परिचत्तविसमविसयतिसा । वज्जियपरिणयणकहा चिट्ठइ सा धम्मगयबुद्धी ॥५२५॥ अवरा वि तत्थ एगा संगा नामेण साविया अस्थि । दारिद्दभरकता निवखंता साहुणिसयासे ||५२६॥ सा कुणइ तवं उम्गं वयमाहप्पेण पूयए लोगो । रायसुया वि हु तप्पइ किंपि तवं अंबिलाईयं ॥५२७॥ नवरं न कोवि बन्नं कुणइ गिहत्थ त्ति काउमेईए । तत्तो सा निवधूया मच्छरमुबहइ संगाए ॥५२८|| भणइ य एसा वइणी रयणीए बलेण खाइ मडयाणि । ताहे सवो वि जणो पत्तिन्तो रायधूयाए ॥५२९।। सा वि हु सकयफलमिमं ति सम्ममहियासए विवेयवसा । तीए तं पुण कम्मं बद्धमभक्खाणसंजणियं ।।५३०॥ भमिऊणं संसारे दुहपउरे एत्थ चेव गंगउरे । जाया नरिंदतणया पत्तो जिणदेसिओ धम्मो ॥५३१॥ गहिऊणं पव्वज्जं तवोविहाणं समायमायरइ । तो मायाणुट्टाणं अभक्खाणं च संगाए ॥५३२॥ मुगुरुणमणालोइय नरिंदधूया तहेव य ससल्ला । मरिऊणमग्गमहिसी ईसाणिंदम्स संजाया ॥५३३॥ तत्तो चविडं जाया तुममेसा इहभवम्मि रिसिदत्ता । इय मुणिउं नियचरियं जाईसरणेण संबुद्धा ॥५३४॥ चलणेसु निवडिऊणं गुरुणो संजायगरुयसंवेगा । भणइ गुरुं भयवमिमं सव्वं सच्चं भणह तुठभे ॥५३५।। रायाई सयलजणो विम्हइओ नियुणिऊण गुरुभणियं । रिसिदत्ताए चरियं जाओ दुच्चरियभयभीओ ॥५३६।। कणगरहो विय राया रज्जे अभिसिंचिऊण सीहरहं । महया विच्छड्डणं कारविय जिणिंदपूयाओ ||५३७॥ सिबियाए समारूढो कुणमाणो सासणुन्नई परमं । सकलत्तो निक्खंतो विहिणा गुरुपायमूलम्मि ॥५३८|| अन्भसियदुविहसिक्खो तवसा संखवियघाइकम्मंसो । उप्पन्नविमलनाणो वियाणियासेसनायवो ॥५३९|| केवलिपरियायं पालिऊण पडिबाहिऊण भवियजणं । सासयसोक्खे मोक्खे संपत्तो सह कलत्तेण ॥५४०॥
॥ऋषिदत्ताऽऽख्यानकं समाप्तम् ॥११॥ इदानीं मक्षिकामलाख्यानकमाख्यायते । तश्चेदम्
उज्जेणीनयरीए जियसत्तुनराहिवस्स रचम्मि । नामेणं मल्लमरकट्टणो अट्टणो मल्लो ॥१॥ सो उण समुद्दतीरे गेन्हइ सोपारयम्मि नयरम्मि । गंतूण जयवडायं सीहगिरिनिवस्स रज्जम्मि ॥२॥ चिंतियमिमिणा रजंतराउ आगम्म मज्झ मल्लमहे । घेत्तूण जयवडायं जाइ इमो परिभवो मज्झ ॥३॥ तो अहमिहि मल्लं महाबलं चिंतयामि नियरज्जे । एवं जा गविसावद ता पेच्छइ पुरिसमेगं सो ॥४॥ उचियसाणियमंस वियडकडि पिहुलवच्छयलभायं । पोण-समुन्नयखंधं करिसुंडायारभुयदंडं ॥५॥ महु-मंसभक्खणरयं सुराए मत्तं सरेहि विझंतं । लगते वि हु न मुणइ बाणपहारे मयवसेणं ॥६॥ भणइ य कुओ वि लग्गंति मच्छियाओ सतिक्खतुंडाओ। तो सो रण्णा ठविओ मच्छियमल्लो निए रज्जे ॥७॥ अन्नम्मि महे जाए मच्छियमल्लेण अट्टणा जित्तो । तेणावि चिंतियमहं जित्तो वुढ तणेणिमिणा ॥८॥ एसो पढमवयत्थो अयं तु जराए चउविहबलेणं। अक्कमिओ सञ्चत्तो पराभिभूओ जओ भणियं ॥९॥ सयणपराभव-मुन्नत-वाउ-सिभाइयं जरासेन्नं । गरुयाणं पिहुबलमाण-खंडणं कुणइ वुड्डत्त ॥१०॥ तो तेण तरुणमल्लं सुरदृचिसए निरूवयंतेण । दूरुल्लकृवियाए सच्चविओ हालिओ एगो ॥११॥ एगेण वाहइ हलं करेण फलहीउ लुणइ अवरेणं । तं दट्टणं तुट्टो एसो मह वंछियं काही ॥१२॥ जं बलमाहाराओ तेण परिक्खामि भोयणमिमम्स । एत्थंतरम्मि भज्जा भत्तं गहिऊण संपत्ता ।।१३।। कूरस्स भरिय पिडयं कुइयं कुसणस्म सव्वमवि भुत्तं । भुत्तस्स वि परिणामं जा जोयइ ता तयं पि सुहं ॥१४॥ तो भणियं किं खिजसि ? आगच्छ करमि ईसरं जेण । पडिवन्ने भज्जाए निम्बाहं चिंतिउं नीओ ॥१५॥ काऊण कायमृद्धि आहाराई हिं पोसिओ चिहिणा । सिक्खविओ य निजद्धं कयकरणो जाव संपत्तो ॥१६॥ मल्लमहे संजाए मच्छियमल्लेण जोहिओ तेण । पढमे दिणम्मि न जओ पराजओ न वि य मल्लाणं ॥१७॥ बीयम्मि दिणे फलहियमल्लो दुक्खंतयं सरीरम्मि । पुट्ठो य अट्टणेणं तेण वि कहियं जहावत्तं ॥१८॥
Jain Education International
For Private & Personal Use Only
www.jainelibrary.org


Page Navigation
1 ... 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412 413 414 415 416 417 418 419 420 421 422 423 424 425 426 427 428 429 430 431 432 433 434 435 436 437 438 439 440 441 442 443 444 445 446 447 448 449 450 451 452 453 454 455 456 457 458 459 460 461 462 463 464 465 466 467 468 469 470 471 472 473 474 475 476 477 478 479 480 481 482 483 484 485 486 487 488 489 490 491 492 493 494 495 496 497 498 499 500 501 502 503 504