Agamni Sargam

Author(s): Hemchandrasagarsuri
Publisher: Agamoddharak Pratishthan

Page 31

તે મહાપુરુષ એટલે પ્રાતઃ સ્મરણીય, આગમોદ્ધારક, ધ્યાનસ્થ સ્વર્ગત પૂજ્યપાદ આચાર્યદેવ શ્રીમદ્ આનંદસાગરસ ૨ીશ્વર જી મહારાજસાહેબ જેઓ આબાલવૃદ્ધ સહુની જીભે “પૂ. સાગરજી મહારાજ'ના લાડીલા નામથી સુપ્રસિદ્ધ બન્યા હતા.
આ પૂજ્ય-પુરુષે છ સ્થાનોમાં કરેલી સાત સામૂહિક વાચનાઓમાં છવ્વીસ આગમ-ગ્રંથોની વાચના કરી હતી. (જેની નોંધ સાથેનાં પૃષ્ઠો ઉપર મુદ્રિત છે.)
વિ. સં. ૧૯૭૧થી ૧૯૭૭ સુધીમાં પૂર્વોક્ત પાંચ સ્થાનોમાં પૂજયપાદ સાગરજી મહારાજે સ્થાનિક સંઘોના આગ્રહથી સાત વાર આગમ-વાચનાઓ આપી, જેનો વિશાળ ચતુર્વિધ શ્રીસંઘે અપૂર્વ ઉલ્લાસ સહિત ઉમંગપૂર્વક લાભ લીધો. આ આયોજનમાં ૨૬ આગમોના લગભગ ૨,૩૩,૨૦૦ શ્લોક-પ્રમાણ વાચનાઓ સંપન્ન થઈ.
આ પ્રમાણે પરમાત્મા મહાવીર સ્વામીજીના નિર્વાણ બાદ ૯૮૦ વર્ષે પૂજ્ય શ્રી દેવર્કિંગણી ક્ષમા-શ્રમણે છઠ્ઠી જે આગમ-વાચના કરી હતી, ત્યાર બાદ લગભગ દોઢ હજાર વર્ષ જેટલા સુદીર્ઘ સમય બાદ આ વાચનાઓ થવા પામી.
ભવ્ય જીવોને અતિ વિષમ દુઃષમા આરાના કુટિલ દુષ્પ્રભાવમાંથી ઉગારનાર અનુપમ આગમ-સાહિત્યને સુરક્ષિત રાખનારા અખિલ શ્રમણ-સંઘમાં જ્ઞાન-વૃદ્ધિ કરવાના શુભ હેતુસર સામુદાયિક વાચના કરનારા, પરમ-સૌભાગ્યશાળી, મહાપુરુષ, પ્રાતઃ સ્મરણીય, જગમશહૂર, શુભ પ્રતિષ્ઠાદાયક “આગમોદ્ધારક” બિરુદથી શોભતા, આગમાવતાર, આગમધર-બહુશ્રુત ધ્યાનસ્થ સ્વર્ગત આચાર્યદેવ શ્રી આનંદસાગર સૂરીશ્વરજી મહારાજસાહેબના જેટલા ગુણાનુવાદ કરીએ તેટલા ઓછા છે.
આ પરમતારક, પરમારાધ્યપાદ પુણ્યપુરુષે જીવનભર ત્રિકરણ યોગે આગમની ઉપાસના કરી હતી. તેમની તન્મયતા અવિરત શ્રુતોપાસના અભિનંદનીય અને અભિવંદનીય હતી.
આગમની સરગમ
૧૫