________________
શ્રી વિનયવિજયજી
૪૯
પાટણના ભંડારમાંથી મંગાવી તેને શુદ્ધ રીતે ભાષાંતર સાથે છપાવાય તો સમાજ ઉપર ઉપકાર થાય તેમ છે.
બ. ગુજરાતી કૃતિઓ ૧. લઘુ ઉપમિતિભવપ્રપંચનું સ્તવન આ શ્રી ધર્મનાથજીના સ્તવનરૂપે છે અને તેમાં શ્રી સિદ્ધર્ષિ ગણિકૃત સંસ્કૃત ઉપમિતિભવપ્રપંચ પરથી થયેલ લઘુ ઉપમિતિભવપ્રપંચ નામે સંસ્કૃત ગ્રંથ છે તેનું ગુજરાતીમાં અવતરણ છે. મૂલ ગ્રંથ બહુ જ ઉપકારી છે તેથી ખાસ મનન કરવા યોગ્ય છે અને તેને અન્યનકૃત Pilgrims Progress નામે Parable- ઉપમારૂપી ખ્રિસ્તીઓમાં ઉત્તમોત્તમ ગણાતા ગ્રંથ સાથે સરખાવવામાં આવે છે. શ્રી સિદ્ધર્ષિકૃત ગ્રંથના પ્રથમના થોડા ભાગનું રા. મોતીચંદ ગીરધર કાપડીઆ. બી.એ., એલ.એલ.બી.એ કરેલું ગુજરાતી ભાષાંતર જૈનધર્મપ્રસારક સભાએ છપાવેલું છે. આમાં ભવરૂપી નગરનું વિસ્તારથી વર્ણન કરવામાં આવ્યું છે, અને ધર્મનાં દરેક અંગો તથા ધર્મમાં વિઘ્નરૂપે કાર્ય કરનારાને યથાયોગ્ય સ્થાન આપવામાં આવ્યું છે.
૨. પાંચ કારણનું સ્તવન જૈનમત પ્રમાણે સર્વ દષ્ટ અથવા અદષ્ટ કાર્ય, કાળ, સ્વભાવ, નિયતિ, પૂર્વકર્મ, અને પુરુષાર્થ એ પાંચ કારણો વડે સિદ્ધ થાય છે. આ પાંચ કારણો માટે જે વાદ છે તે ટૂંકમાં પાંચ ઢાળથી જણાવી તેનો ઉપસંહાર છઠ્ઠી ઢાળમાં કર્યા કરે છે. આ સ્તવન શા. હીરાચંદ કકલભાઈના પંચપ્રતિક્રમણના પૃ. ૭૮૦ થી ૭૮૮ માં જોઈ લેવું. પાંચ કારણોનું વિશેષ સ્વરૂપ શ્રી ઉપદેશપ્રાસાદના ચતુર્થ ભાગના પૃ. ૧૦ર એ આપેલ વ્યાખ્યાન ૨૨૯માં જોવાની વાચકને વિનંતિ છે.
૩. પુણ્યપ્રકાશનું સ્તવન આ શ્રી મહાવીર સ્વામીના સ્તવનરૂપે છે અને તેને “આરાધનાસ્તવન' પણ કહેવામાં આવે છે. આમાં શ્રી ગૌતમ સ્વામી “મુક્તિમાર્ગ કેવી રીતે આરાધવો?' એ પ્રશ્ન કરતાં શ્રી મહાવીર ભગવાન ઉત્તર આપે
