________________
શ્રી વિનયવિજયજી
૩૩
જેમાં જગતનાં તત્ત્વોનો નિશ્ચય કરાયેલો છે તે કાવ્યમાં ખરેખર સંપૂર્ણ રીતે ઉજ્વલ એવો સત્તાવીસમો સર્ગ સંપૂર્ણ થયો.
આ ઉપરથી શ્રીવિનયવિજયનાં માતુશ્રીનું નામ રાજશ્રી (રાજબાઈ) હતું અને પિતાશ્રીનું નામ તેજપાલ હતું. રાજબાઈ અને તેજપાલ એ નામો વણિક જ્ઞાતિ સિવાય બીજી અન્ય જાતિમાં હોઈ ન શકે તેથી કર્તા સંસાર દશાએ વણિક હતા એ પુરવાર થાય છે.
તેમની ગુરુપરંપરા નીચે પ્રમાણે છે :
તપાગચ્છ.
વિજયસિંહસૂરિ (૬૧ મી પાટે)
વિજયપ્રભસૂરિ (૬૨ મી પાટે)
કીર્તિવિજય ઉપાધ્યાય
વિનયવિજય ઉપાધ્યાય.
આ પટ્ટાવિલ બરાબર છે તેનો નિર્ણય કરવાનો છે, કારણ કે ગ્રંથકારે પોતાના ગુરુ કીર્તિવિજયને અકબર બાદશાહને પ્રતિબોધ પાડનાર શ્રી જગદ્ગુરુ શ્રી હીરવિજયજીના શિષ્ય તરીકે ઘણે સ્થલે જણાવેલ છે.
જૈનધર્મ પ્રસારક સભાના હૈમલઘુપ્રક્રિયા ગ્રંથની પ્રસ્તાવનામાં લખે છે કે તે તપાગચ્છમાં અને ઉપકેશ વંશમાં હતા તો આ ઉપકેશ વંશ સાધુનો કે મૂળ સંસાર દશાનો ? અને તે ક્યા આધારે કહેવાયેલ છે તેનો ખુલાસો થવો જોઈએ છે.
તેઓશ્રીએ* સંવત ૧૭૩૮ના અંતમાં સ્વર્ગગમન કર્યું છે.
* જે હેમલઘુપ્રક્રિયા જૈન ધ. પ્ર. સભા તરફથી છપાયેલ છે તેની સંસ્કૃત અને ગુજરાતી પ્રસ્તાવનામાં સંવત ૧૭૩૪માં (વેદાગ્નિમુનિચંદ્ર) ગ્રંથકારનું સ્વર્ગગમન થયું છે એમ લખેલ છે. આ સંવત ક્યા આધારે લીધેલ છે, તે તેમાં જણાવેલું નથી તેથી તે વિષે સંદેહ રહે છે. આ સંબંધી શ્રીપાલ રાસમાં તેને પૂરો કરતાં શ્રીમદ્ યશોવિજયજી ૧ચે મુજબ લખે છે :
