Yoga kosha Part 2

SR No.: 016029
Original Sutra Author: N/A
Author: Mohanlal Banthia, Shreechand Choradiya
Publisher: Jain Darshan Prakashan
Publication Year: 1996
Total Pages: 478
Language: Sanskrit, Hindi
Classification: Dictionary & Dictionary
File Size: 24 MB

Page 384

( २६७ ) केवलिम्हि जोगाभावा जोगो ओदइओ ण होदि ति वोत्तुण जुत्तं, तत्थ सरीरणामकम्मोदयाभावा। ण च सरीरणामकम्मोदएण जायमाणो जोगो तेण विणा होदि, अइप्पसंगादो। एवमोदइयस्स जोगस्स कधं खओवसमियत्तं उच्चवे ? ण, सरीरणामकम्मोदएण सरीरपाओग्गपोग्गलेसु बहुसु संचयं गच्छमाणेसु विरियंत राइयस्स सव्वधादिफदयाणमुदयाभावेण तेसि संतोवसमेण देसघादिफयाण समुन्भवादो लद्धखओवसमववएसं विरियं वडदि, तं विरियं पप्प जेण जीवपदेसाणं संकोच-विकोचो वड्ढदि तेण जोगो खओवसमिओ त्ति वुत्तो। विरियंतराइयखओवसमजणिदबलवडिहाणीहितो जदि जीवपदेसपरिपफंदस्स वड्डि-हाणीओ होंति तो खीणंतराइयम्मि सिद्ध जोगबहुत्तं पसज्जदे ? ण, खओवसमियबलादो खइयस्स बलस्स पुधत्तदसणादो। ण च खओवसमियबलवधि-हाणीहितो वडिहाणोणं गच्छमाणो जीवपदेसपरिपफंदो खइयबलादो वडि-हाणीणं गच्छदि, अइप्पसंगादो। जवि जोगो वीरियंतराइयखओवसमजणिदो तो सजोगिम्हि जोगाभावो पसज्जदे ? ण, उवयारेण खओवसमियं भावं पत्तस्स ओदइयस्स जोगस्स तत्थाभावविरोहादो।
सो च जोगो तिविहो मणजोगो वचिजोगो कायजोगो ति। मणवग्गणावो णिफ्फण्णदव्वमणमबलंबिय जो जीवस्स संकोच-विकोचो सो मणजोगो। भासावग्गणापोग्गलखंधे अवलंबिय जो जीवपदेसाणं संकोच-विकोचो सो पचिजोगो णाम। जो चउन्विह सरीराणि अवलंबिय जीवपदेसाणं संकोच-विकोचो सो कायजोगो णाम। दो वा तिणि वा जोगा जगवं किण्ण होंति ? ण, तेसि णिसिद्धाकमवुत्तीदो। तेसिमक्कमेण वुत्ती वुवलंभदे चे? ण, इंदियविसयमइकंतजीवपदेसपरिफ्फंदस्स इंदिएहि उवलं भविरोहादो। ण जीवे चलंते जीवपदेसाणं संकोच-विकोचणियमो, सिझंतपढमसमए एत्तो लोअग्गं गच्छंतम्मि जीवपदेसाणं संकोच-विकोचाणुवलंभा।
कधं मणोजो खओवसमिओ? वुच्चदे। वोरियंतराइयस्स सव्वधादिफद्दयाणं संतोवसमेण देसघाविफद्दयाणमुदएण गोइंदियावरणस्स सव्वघादिफद्दयाणमुदयक्खएण तेसिं चेव संतोवसमेण देसघादिफद्दयाणमुदयक्खएण मणपज्जत्तीए पज्जत्तयदस्स जेण मणजोगो समुप्पज्जवि तेणेसो खओवसमिओ। वीरियंतराइयस्स सव्वघादिफहयाणं संतोवसमेण देसघाविफयाणमुदएण जिभिदियावरणस्ससव्वघादिफद्दयाणमुदयक्खएण तेसि चेव संतोवसमेण देसघादिफद्दयाणमुदएण