Page Text
________________
७. जिनविम्बदर्शनफलाधिकारे आर्द्रककुमाराख्यानकम् एयम्स जीवियत्वं कित्तियमेत्तं ? ति जाव उवओगं । पुवेमु देह सूरी तो छम्मासे नियइ तम्स ॥३॥ उद्धरिऊणं आगमसमुद्दमझाओ किं पि थेवसुयं । विरएमि इमम्स जहा जायइ सिग्धं पि उवयारो ॥३८॥ जम्हा चउदसपुची निज्जूहइ कारणम्मि जायम्मि । निज्जूहामि अहं पि हु कारणमेयं जओ मज्झ ॥३९॥ सो नियमा निज्जूहइ जो दसपुवीण होइ पच्छिमओ । इय चिंतिय सेजंभवसूरी निज्जूहिउं लग्गो ॥४०॥ निज्जूढा य वियालियवेलाए तओ य तस्स सत्थस्स । दसवेयालियनामं जायं भणियं च सूरीहिं ॥४१।। मणगं पडुच्च सेजंभवेण निज्जूहिया दसऽज्झयणा । वेयालियाए ठवियं तम्हा वेयालियं नाम ॥४२॥ तत्तो छहिं मासेहिं पढिउ मणओ गओ य सुरलोयं । जाओ अंसुनिवाओ सूरीणमवच्चनेहेण ॥४३॥ दट्टण तयं सेजंभवाण थेराण मोहवसयाण | पुढे जसभद्देणं अच्छरियमिणं जओ भणियं ॥४४॥ तुम्हारिसा वि वरपहु ! मोहपिसाएण जइ छलिज्जंति । तो साह तुमं चिय धीर ! धीरिमा कं समल्लियउ ? ॥४५॥ तत्तो कहिओ तेसिं निययविणेयाणऽवच्चसंबंधो । न उणो निवेइओ तुम्ह निजरा होउ एयस्स ॥४६॥
सेजंभवाख्यानकं समाप्तम् ॥२६॥ इदानीमा ककुमाराख्यानकमाख्यायते । तच्चेदम्
सिरिरायगिहे नयरे जंबुद्दीवु व्व सेणिओ राया । आसि गुरुगोत्त-वाहिणि-विजयालंकारपरियरिओ ॥१॥ तस्साऽभयाभिहाणो पुत्तो सुइ-सुद्धगुणसमिद्धस्स । हारस्स व मंतिगणस्स नायगो तम्मि रज्जसिरिं ॥२॥ आरोविय विसयसुहं उवभुंजइ चेल्लणा-सुनंदाहिं । राया हरो व्व सुपओहराहिं गंगा-गिरिसुयाहिं ॥३॥ एत्तो य जलहिमज्झ अद्दयदसम्मि अद्दयं नयरं । तत्थ य अद्दयराया रिउकरिमहणो मइंदो व्व ॥४॥ नियनयणविजियहरिणी घरिणी तस्सऽस्थि अद्दया नाम । अद्दयनामो कुमरो तीए सिरीए व्व रइनाहो ॥५।। अह अन्नया नरिंदो उभडभडकोडिसंकडऽत्थाणे । करकलियकणयदंडेण दारवालेण विन्नत्तो ॥६॥ देव ! दुवारे सेणियमंती तुह चरणदंसणं महइ । संजाओ से हरिसो पुलएण समं इमं सोउं ॥७॥ भद्द ! पवेसय सिग्घं ति जंपिए सो पवेसिओ तेण । नरनाहचरणकमलं पणमिय उवणेइ तो मंती ॥८॥ कंबल-सोवच्चल-निंबपत्त-वरवस्थपभिइ कोसल्ल । तो संतुट्ठो राया सेणियकुसलं पपुच्छेउं ॥९॥ पभणइ को एयारिसमहग्घमोल्लाणि मज्झ वत्थूणि । मोत्तु सेणिय निवई पेसइ ? तो अद्दयकुमारो।१०॥ जंपइ को देव ! इमो सेणियराओ ? ति भणइ तो राया । वच्छ ! न याणसि मगहामंडलसामि महारायं ? ॥११॥ अम्हाण तेण सद्धिं नेहो नियकुलकमागओ तत्तो । अद्दयकुमरो पुच्छइ सेणियमंतिं जहा तस्स ।।१२।। सेणियनिवस्स कुमरो रजमहाभरधुराधरणधीरो । अत्थि ? त्ति तओ मंती पभपइ किं न ह तए नाओ ? ॥१३॥ बंधुरबुद्धिसमिद्धो धरणिपसिद्धो सुधम्मसद्धालू । धीरो वीरजिणेसरकमकमले रायहंसो व्व ॥१४॥ इच्चाइगुणगणजुओ अभयकुमारो ति तस्स वरकुमरो। तत्तो अद्दयकुमरो नरेसरं भणइ सपणामो ॥१५॥ ताय ! जहा तुम्हाणं नेहो अवरोप्परं तहऽम्हे वि । इच्छामो तो जंपइ नरेसरो पुत्त ! जुत्तमिणं ॥१६॥ पालिजइ निच्चं पि हु नियपुरिसपरंपरागओ नेहो । वच्छ ! जओ गुरुएहिं वि सुहासियं एरिसं भणियं ॥१७॥ उइ सणियं सणियं वंसे संचरइ गाढमणुलग्गो। थेरो व्व सुयणनेहो न वि भज्जइ बिउणओ होइ ॥१८॥ ते धन्ना सप्पुरिसा जाण सिणेहो अभिन्नमुहराओ । अणुदियहवड्डमाणो रिणं व पुत्तेमु संकमइ ।।१९।। तो कुमरेण अमच्चो भणिओ ताओ जया विसज्जेइ । तइया मह मिलियब्वं एवं ति तओ भणइ मंती ॥२०॥ अह अन्नदिणे सम्माणिऊण मंतिं निवो समप्पेइ । सिरिखंड-रयण-विद्दुम-कप्पूरप्पभिइ कोसल्लं ।।२१।। तत्तो विसजिओ सो निवेण नियपवरपुरिसपरियरिओ । पत्तो कुमरसयासे तेण वि सम्माणिओ सम्मं ।।२२।।
१. पढियं रं०।
Jain Education Interational
For Private & Personal Use Only
www.jainelibrary.org
| SR No. | 016006 |
| Book Title | Akhyanakmanikosha |
| Original Sutra Author | Nemichandrasuri |
| Author | Punyavijay, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2005 |
| Total Pages | 504 |
| Language | Prakrit, Sanskrit |
| Classification | Dictionary & Story |
| File Size | 13 MB |