________________
करणेन तद्यहुमानमाविर्भावयन्नाहपणमामि ताण पयपंकयाई धणुखंदपमुहसाहूणं । मोहसुहडाहिमाणो लीलाए नियत्तिओ जेहिं ॥:
स्पष्टा । धनुकथानकं चेदं
काकंदी नाम पुरी कामिणिवररयणभूसणपहाहिं । जीए विलुत्ततमाए मंगलमत्तं चिय पईवा ॥१॥ तीए जट्टियनामा जियसत्तू नाम नरवरो तह य । धणसत्थवाहधरिणी असंखधणसामिणी सुगुणा ॥२॥ परिवसइ सत्यवाही भद्दा नामेण तीइ गुणकलिओ। धणुनामो वरपुत्तो बालत्ते चेव पंचत्तं ॥३॥ पत्ते जणयम्मि य बुढिमुवगओ सो अहिज्जइ कलाओ। बत्तीस इब्भकन्नाओ पवररूवाओ जणणीए ॥४॥ परिणाविओ महंता पासाया कारिया य बत्तीसं । तम्मज्झे य महंतं धणुजोरगं कारियं भवणं ॥५॥ वत्तीसाए भजाहिं परिराओ तेसु भुंजए भोए । न मुणइ उदयत्थमणा रविणो विहुपरमसुकलिओ ॥६॥ बत्तीसपत्तबद्धाई नाडयाई निरिक्खमाणो सो । अहिणवसुरो व्व सग्गे गयं पि कालं न याणड ॥७॥ अह कइया वि हु दह्र बाहिं वचंतयंजणसमूहं । नियपरियणम्मि पुढे विनाओ तेण जिणवीरो ॥८॥ सहसंबवणुज्जाणे समोसढो तो य गरुयसद्धाए । चडिऊण रहे बच्चइ सपरियणो वंदणनिमित्तं ॥९॥
॥ ४२७॥
