________________
अइदुखिओ भमंतो तत्तो भिक्खं कहिं पिछणदियहे । खीणतणू अवितित्तो पावभरेणं समकतो ।१६ अइमेत्तं भोत्तणं मओ अजिण्णेण अदृझाणगओ। महिसो जाओ कत्थइ वाहिज्जइ गुरुतडंगाई ॥१७॥ तस्स पिया उण सव्वं तकजकयं असंजमं गुरुणो । पुरओ आलोएउं निंदेऊणं च पजंते ॥१८॥ काऊण अणसणं अइसुहेण भावेण गरुयरिद्धीसु । देवेसु समुववन्नो पउंजए जाव अवहिं ति ॥१९॥ ता खड्यं नियच्छइ उववन्नं महिसयं ति तो देवो। मा भमउ भवं एसो इय करुणाए गओ तत्थ ॥ *भामहरूवं काउं गिण्हइ अत्येण ताण हत्थाओ । तो अडवीए नेउं पाहणभरियाओ गोणीओ ॥२१॥ आरोविऊण पिट्टीइ तस्स महिसस्स वजमइयाहिं । उप्पाडतो आराहिं भणइ न तरामि खंताहं ।२२। रहिओ उवाहणाहिं भमिउं इच्चाइ सब्वमवि जाव । अविरइयाए विणाऽहं तरामि न हु अच्छिउं खंत !। तत्तो महिसो आरानिवायअइभारवेयणक्कतो | निल्लालियग्गजीहो सुणेइ एयाई वयणाइं ॥२४॥
तो चिंतइ एयाई वयणाई मएऽवि कत्थ वि य पुब्बिं ।
सयमेव य भणियाई निसुयाइ व इय कुणंतस्स ॥२५॥ ईहापोहं जायइ जाईसरणं तओ य संविग्गो । निंदइ अप्पाणं अह पउंजए सुरवरो ओहिं ॥२६॥ नाओ तदभिप्पाओ सुररूवं पयडिउं तओ देवो । साहइ नियवुत्तंतं भारं चवणेइ तं तस्स ॥२७॥ चंडालरूपं-इत्यर्थः ।
