Uvavai Suttam

Author(s): Chotelal Yati
Publisher: Jivan Karyalay

Page 103

उत्रवाई सूत्तं
९९ पोरालियतेयकम्माइंसव्वाहिं विप्पजहणाहिं विप्प. जहइ, २ त्ता उज्जूसेढीपडिवण्णे अफुसमाणगई उड्ढं एकसमएणं अविग्गहेणं [उड्ढ] गंता सागारोवउत्ते सिज्झई।
तेणं तत्थ सिद्धाहवंति सादीया अपज्जवसिया असरीरा जीवघणा दंसणनाणोवउत्ता निहियष्ठा निरयणा नीरया णिम्मलवितिमिरा विसुद्धा सासयमणागयद्धं कालं चिट्ठति ।
से केण?णं भंते ! एवं वुच्चई 'ते णं तत्थ सिद्धा भवंति सादीया अपज्जवसिया जाव चिठ्ठति'? गोयमा ! से जहा णामए बीयाणं अग्गिदड्ढाणं पुणरवि अंकुरुप्पत्ती ण भवइ, एवामेव सिद्धाणं कम्मबीए दड्ढे पुणरवि जम्मुप्पत्ती ण भवई । से तेण?णं गोयमा ! एवं वुच्चइ-ते णं तत्थ सिद्धा भवंति सादीया अपजवसिया जाव चिट्ठति ।
जीवा णं भंते ! सिज्झमाणा कयरं मिसंघयणे सिझति ? गोयमा ! वइरोसभणारायसंघयणे सिझंति ।
जीवा भंते ! सिझमाणा कयरंमि संठाणे सिझति ? गोयमा ! छण्हं संठाणाणं अण्णयरे संठाणे सिझति ।