________________
અસંખ્ય લોકાકાશ પ્રદેશ પ્રમાણ હોય છે. કારણ કે સમાન કષાયોદયવાળા જીવોની લેશ્યામાં તરતમતા હોય છે. તેથી સમાન કષાયોદયવાળા જીવોનો લેશ્યાજન્ય પરિણામ જુદો જુદો હોય છે. એટલે એક એક કષાયોદયસ્થાનમાં રસબંધના અધ્યવસાયો અસંખ્યલોકાકાશપ્રદેશ પ્રમાણ હોય છે. તેથી સ્થિતિબંધના અધ્યવસાય કરતાં રસબંધના અધ્યવસાય અસંખ્યાતગુણા હોય છે.
(૭) યોગના નિર્વિભાગ અંશો -
જે અંશનો કેવલજ્ઞાનથી પણ બે વિભાગ ન થઈ શકે, તે અંશને નિર્વિભાગ અંશ કહે છે. યોગના નિર્વિભાગ અંશો અસંખ્યાતા છે.
અહીં નિગોદીયાજીવથી માંડીને સંક્ષીપંચેન્દ્રિય સુધીના દરેક જીવોના યોગના નિવિભાગઅંશોની સંખ્યા ઉમેરવાની કહી છે. જો કે યોગસ્થાનક અસંખ્યાતા છે. અને જીવો અનંતા છે. તો પણ ઘણા જીવો સરખા યોગવાળા પણ હોય છે. તે સર્વેનું એક યોગસ્થાનક ગણી લેવાથી અસંખ્યાતયોગસ્થાનકમાં અનંતાજીવો સમાઈ જાય છે. એટલે સંસારી સર્વે જીવના યોગસ્થાનક અસંખ્યાતા છે. અને એક - એક યોગસ્થાનકના નિર્વિભાગ અંશો (યોગાણુ)ની સંખ્યા પણ અસંખ્યાતી છે.
(૮) કાળચક્રના સમયો પણ અસંખ્યાતા જ છે. (૯) પ્રત્યેકશરીર :
પ્રત્યેકશરીરવાળા પૃથ્વીકાયાદિજીવો અસંખ્યાતા હોવાથી પ્રત્યેકશરીર પણ અસંખ્યાતા છે.
(૧૦) નિગોદશરીર :
અનંતા જીવો ભેગા મળીને જે એક શરીર બનાવે છે, તે નિગોદશરીર કહેવાય છે તે શરીર પણ અસંખ્યાતા છે.
@૩૪પ છે
