Book Title: Ramayanma Sanskritino Sandesh Part 01
Author(s): Chandrashekharvijay, Bhanuchandravijay
Publisher: Kamal Prakashan Trust
View full book text
________________
પ્રવચન ત્રીજું રાખવો એ કળા રામાયણ શીખવે છે. જ્યારે પાપકર્મોનો ઉદય થાય ત્યારે અનેક આઘાતો અને પ્રત્યાઘાતો આવતા હોય છે; પરંતુ તે વખતે તે કોયડાઓને કઈ રીતે હલ કરવા, એના ફાંસલાઓમાંથી શી રીતે નીકળી જવું? એવી જીવન જીવવાની કળા રામાયણ શીખવે છે.
પૈસો દરેક બાબતનો ઉકેલ નથી
ચોવીશ વરસનો છોકરો એકાએક મરી જાય, પત્નીને ગળામાં “કેન્સર થઈ જાય, શરીરમાં ભયંકર રોગો વ્યાપી જાય ત્યારે લાખો રૂપિયા પણ કામ લાગતા નથી. એક વાત સમજી રાખો કે પૈસો દરેક બાબતનો ઉકેલ નથી. જે પૈસાના જોરે જ બધું કામ ચાલતું હોત તો, શ્રીમંતોના જીવનમાં સદા શાંતિ હોત. પણ આજે કેટલાય શ્રીમંતોના જીવન ભડકે બળી રહ્યા હોય તેવી સ્થિતિ દેખાય છે.
કરોડો રૂપિયાથી “ડલેસ” ના બચ્યા
અમેરિકાના વિદેશમંત્રી લેસ કે જેણે એશિયાનો કબજો લઈ લેવા માટે અંગ્રેજોને પોતાની કૂટનીતિ સમજાવી હતી. એ અંગ્રેજોને કહેતા કે, “તમે એશિયાનો કબજો મેળવવા એશિયનોને પરસ્પર લડાવી મારીને જ ખતમ કરી નાખો” આવી ક્રર નીતિવાળા ડલેસ હતા. જેણે એ વિચાર ન કર્યો કે આ રીતે જે એશિયનો અંદરોઅંદર લડી મરશે તો એમના બાળબચ્ચાનું શું થશે? એમની સ્ત્રીઓનું શું થશે? એમના અર્થતંત્રનું શું થશે? આવી ક્રરતા ધરાવતા ડલેસ પણ અંતે ખૂબ રિબાઈને મય.
એમને છેલલા સમયમાં જ્યારે કેન્સર થયું ત્યારે પાસે ઊભી રહેલી ડૉકટરોની પેનલ સમક્ષ પોતાનો જીવ બચાવનારને લાખ ડૉલરનું દાન કરવાની પોતે જાહેરાત કરી હતી. છતાં એના ડૉલર પણ એને બચાવી કે શાંતિ આપી શક્યા નહિ. કારણ એની પાસે જીવન જીવવાની કળા ન હતી. સુખ અને દુઃખને પચાવવાની હિંમત ન હતી.
જીવન જીવતાં શીખો
આર્યદેશના માનવોની પાસે આ કળા હતી. કઈ રીતે ખાવું? કઈ રીતે પીવું? કેવી રીતે સૂવું? કેવી રીતે બેસવું અને ઊઠવું? એ બધું શીખતાં પહેલાં જીવન શી રીતે જીવવું? એ શીખવાની ખાસ જરૂર છે. દાળમાં રોટલી બોળીને ખાવાને બદલે બાળક જે ભૂલથી પાણીમાં રોટલી ઝબોળીને ખાય છે તો માતા ગુસ્સે થાય છે. જમણા હાથે ખાવાના બદલે ડાબા હાથે ખાતા બાળકને માતા તમાચો
