Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
ઉરિતા તિમિર બાનું
હે પ્રભુ ! તમે પાપના અંધકાર દૂર કરવા સૂર્ય સમાન છો...
અંધકાર અને પ્રકાશ શાશ્વત વિરોધાભાસી તત્ત્વ... એક મ્યાનમાં બે તલવાર ન રહી શકે તેમ અંધકાર અને પ્રકાશ સાથે ના રહી શકે ! જ્યાં અંધકાર ત્યાં પ્રકાશ નહિ અને જ્યાં પ્રકાશ ત્યાં અંધકાર નહિ..... જ્યાં રાત્રિ ત્યાં દિન નહિ અને જ્યાં દિન ત્યાં રાત્રિ નહિ... જ્યાં રાગ ત્યાં સુખ નહિ અને જ્યાં સુખ ત્યાં રાગ નહિ.. જયાં સમજ ત્યાં સુખ...
જ્યાં સુખ ત્યાં સમજ... જ્યાં અજ્ઞાન ત્યાં અંધકાર... જ્યાં જ્ઞાન ત્યાં પ્રકાશ..... જ્યાં પાપ ત્યાં પુણ્ય નહિ... જ્યાં પુણ્ય ત્યાં પાપ નહિ..... જ્યાં કર્મ ત્યાં ધર્મ નહિ...જ્યાં ધર્મ ત્યાં કર્મ નહિ... | પ્રભુ ! તમારી સ્તુતિ કરતાં... સ્તવના કરતાં... ભક્તિ કરતાં ગીત ગાતા મન ગદ્ગદ્ થઇ જાય છે... વાણી વિરામ પામી જાય છે. નયન તારામાં લીન બની જાય છે...
પ્રભુ ! તું હી... તું હી ... એક જ પોકારી ઉઠાય છે. સાચું કહું પ્રભુ ! આ સંસાર સામે બળવો થઇ જાય છે... તમે મારી સાથે રહ્યા... મારા બન્યા... મેં મારા માન્યા... પણ અંતે સંસારે એનું રૌદ્રરૂપ પ્રગટ કર્યું... અને મારા કાનમાં કહ્યું સાધક ! તું ભુલ્યો ... અમે તો તારા વિરોધપક્ષના સરદાર છીએ. સર સેનાધિપતિ છીએ... અમે આત્માના પક્ષકાર નહિ... અમે તો પાપના પક્ષકાર...અજ્ઞાનના પક્ષકાર... વિષય
