Book Title: Pratikraman Sutra Chintanika
Author(s): Vachamyamashreeji, Rajyashsuri
Publisher: Zaverchand Pratapchand Suparshwanath Jain Sangh
View full book text
________________
૮૦
- શ્રી લબ્ધિ પ્રતિક્રમણ સૂત્ર ચિંતવિકા ––––– –––––––––––– –– ચંડકૌશિક સર્પ આપને આવીને વસ્યો હતો. પણ આપના મુખમાંથી શબ્દો નીકળ્યા હતા... બુજઝહબુજઝહચંડકોશિય. આ વર્ણન વાંચતા ઘણીવાર ચોધાર આંસુએ રડી પડું છું.. - પ્રભુ! હું ચંડકૌશિક હોત તોય આપની કરૂણાને પાત્ર બનત.
પ્રભુ ! ક્યારેક વિચારે ચઢી જાઉં છું. મારા તીર્થકર ભગવંતે “બોધ પામ”, કહી વિશ્વને સમજાવવાનો એક સનાતન માર્ગ ચીંધ્યો... લઢવાથી કંઈ વળતું નથી...બબડવાથી કોઇ સુધરતું નથી... બોલવાથી કોઈ સમજતું નથી. કાબુમાં રાખવાથી કોઇ બદલાતું નથી. સત્તા આવવાથી કોઇનામાં પણ શાણપણ આવતું નથી. સમજથી જ શાણપણ આવે છે. આત્મબોધ થવાથી જ જીવન પરિવર્તન થઇ શકે છે. તેમાં પણ ક્રોધ-મહાક્રોધ-ભયંકર અવળચંડાઇને દૂર કરવાનો માર્ગઆત્મજાગૃતિ, આત્મનિરીક્ષણ જ છે.
જયારે જ્યારે પરમાત્મા આપનો ચંડકૌશિકસાથેનો પ્રસંગ મારા માનસપટમાં ખડો થાય છે ત્યારે સમજ અંગે એક સંપૂર્ણ આયોજન, સંપૂર્ણભાવ ખ્યાલમાં આવે છે.
પ્રભુ! કોઈવાર મારી જાતને હું સમજદાર માનું છું... બુધ્ધિશાળી માનું છું છતાંય નાની મોટી અથડામણ – અકળામણ કેટલીય વાર કરી બેસું છું.
પ્રભુ! તમારા આ અદ્ભુત દર્શન - મહાદર્શન - મારી વિચારની અવસ્થા... જીવનની વ્યવસ્થા સુધારવામાં નિમિત્ત નહિ બને? પ્રભુ! પ્રત્યેક સ્થિતિ - પરિસ્થિતિમાં શાંત પ્રશાંત સમાચિત્ત રહી શકું એવી
