________________ Shri Mahavir Jain Aradhana Kendra www. kobatirth.org Acharya Shri Kailassagarsuri Gyanmandir करंज्या. कफवायू मलावष्टंभ यांचा नाश करिते. ही किंचित् पित्त करणारी अशी आहे. कढी ठिकरीची.-वरप्रमाणे कढी तयार करून दगडाची ठिकरी तापवून लाल झाली ह्मणजे चिमट्याने उचलून एका कल्हईच्या पातेल्यांत ठेवावी, नंतर तीत दोन तोळे लोणी, चार गुंजा हिंगाची पूड, दोन मासे मोहऱ्या घालाव्या. आणि वर झांकण ठेवावे म्हणजे आंत फो. डणी तयार होऊन धूर कमी होत चालला म्हणजे तयार झालेली अर्धी कढी आंत ओतावी व लागलींच झांकण ठेवावे. व थोड्या वेळाने राहिलेली कढी ओतावी म्हजणे तयार झाली. कढी चिंचेची.-~-एक शेर पाणी घेऊन त्यांत तीन तोळे चिंच कुसकरून चोथा काढून टाकावा व त्यांत सवा तोळा मीठ, दीड तोळा गूळ, व दोड तोळा हरबऱ्याचे दाळीचे पीठ घालून त्या सवाचा एक जीव करावा. नंतर कल्हईच्या पातेल्यांत घालून चांगली कढवावी व वरचेवर ढवळीत जावी. नंतर चागंली कढली ह्मणजे त्यांत थोडी कोथिंबीर टाकून ताकाचे कढीप्रमाणे फोडणी द्यावी. करंज्या, पिठी व रवा समभाग एक शेर त्यांत तांदुळाची पीठी दोन तोळे व आतपाव तूप घालून चांगले चोळावे. नंतर दुधांत ते पीठ घट्ट मिळवून पाट्यावर घालून खूप कुटावें. पुन्हां तांदळाचे पीठ एक तोळा व तूप चार तोळे अशी दोन्ही एकत्र फेंसून ते त्या कुटलेल्या पिठास लावावें नंतर त्याच्या लहान लहान गोळ्या कराव्या व त्या पातळ लाटून त्यांत खाली लिहिलेले पुरण बेताने घालून दुमडून मुरड घालून किंवा कातून तुपांत तळाव्या. किसलेले खोबरे दीडशेर, भाजलेली खसखस आतपाव, सहामासे वेलदोडे व सव्वाशेर साखर येणे प्रमाणे पुरण तयार करावें. For Private And Personal Use Only
