________________
ક્ષણિકનો બોધ અને નિત્યનો અનુભવ
કોઈ સ્ત્રીને નગ્નતાના કારણે વિકાર ઉત્પન્ન થાય તો નગ્નતા તો છોડતા જ નથી, સાથેસાથે તે સ્ત્રીના કર્મના ઉદયને પણ જાણે છે, તેથી સાધુ પોતાનું સમભાવપણું છોડતા નથી.
જે અજ્ઞાની નગ્ન સાધુને દેખીને આશ્ચર્ય પામે છે, તે વીતરાગી સાધુના મૂળ સ્વરૂપને યથાર્થ જાણતો નથી. આપણે પણ એકાંતમાં સ્નાન કરતી વેળા નગ્ન હોઈએ, ત્યાં કીડી વગેરે જીવો આપણી નગ્નતાને દેખતા હોય છે, તેને જાણતા હોવા છતાં આપણે તેને ગણકારતા નથી. આપણે એ વાતને દ્રઢપણે જાણીએ છીએ કે કીડી વગેરે જીવોને અમારી નમ્રતા વિષે શું ખબર પડે? એ જ પ્રમાણે સાધુ તો એમ જાણે કે આ અજ્ઞાની મનુષ્ય પણ તેના અજ્ઞાનરૂપી અંધકારથી અંધ છે, તેને શું ખબર પડે કે નગ્ન સાધુદશા કોને કહેવાય? તેથી અજ્ઞાની મનુષ્ય દેખશે તો શું થશે, કેવું લાગશે? એવા ભય કે સંકોચથી અપરિગ્રહી વીતરાગી મોક્ષમાર્ગ પર ચાલવાનું બંધ કેમ કરાય?
સાધુ પૂર્ણનગ્ન હોવાથી તેમના નિમિત્તથી કોઈ અન્ય સ્ત્રીને વિકાર ઉત્પન્ન થાય તો સાધુને અન્ય જીવના વિકારના નિમિત્તપણાને લીધે કોઈ કર્મબંધ થતું નથી.
જેને ભાવ થાય છે તેને કર્મબંધન થાય છે, પણ જેના પર ભાવ થાય છે તેને કર્મબંધન થતું નથી.
જેમ કોઈ વ્યક્તિ તેના મિત્રને ફોન કરે તો ફોનનું બિલ ફોન કરનારે ચુકવવું પડે છે, સામાવાળા મિત્રને તો “incoming free” છે, તેમ કોઈ એક વ્યક્તિ સામાવાળી અન્ય વ્યક્તિને શત્રુ જાણીને તેના પ્રત્યે દ્વેષભાવ કરે તો દ્વેષ કરનાર વ્યક્તિને જ તેના દ્વેષભાવથી કર્મબંધન થાય છે, સામાવાળી વ્યક્તિને કોઈ કર્મબંધન થતું નથી, જેના પર રાગ-દ્વેષ કરવામાં આવે છે તેને કોઈ બંધન થતું નથી. ભગવાનની ભક્તિ કરનાર ભક્તોને શુભરાગથી પુણ્યબંધ થાય છે, પરંતુ જેમના પર શુભરાગ થયો છે, તેવા જિનેન્દ્ર
