________________
૧૪
વીર લઘાભા
કીર્તિવંત કચ્છના માંડવી બંદરનો દરિયો ઘુઘવાટા કરી રહ્યો છે.
દરિયાકાંઠે એક બાળક બેઠો છે. ઘુઘવાટા કરતા દરિયા સાથે એનું દિલ પણ ઘુઘવાટા કરી રહ્યું છે.
આંતરે મહિને કચ્છના આ માંડવી બંદરથી આફ્રિકા જવા માટે વહાણો રવાના થાય છે. એમાં જંગબાર પ્રસિદ્ધ બંદર છે. હજારો કચ્છી જુવાનો ત્યાં જાય છે. દોરી-લોટો લઈને જાય છે. ને ધનવાન થઈને પાછા આવે છે.
સહુ કોઈ જંગબાર જાય, તો હું કેમ ન જાઉં ? હું પણ જીવનનો જંગ ખેડવા જંગબાર જઈશ ! દરિયામાં ભરતી અને ઓટ આવે એમ આ કિશોરના દિલમાં સાહસની ભરતીઓટ આવ્યા કરે છે.
જે કોઈ મુસાફર જંગબારથી આવે એની પાસેથી વિગતો ભેગી કરી છે. ઓ હો હો ! આફ્રિકા અંધારિયો ખંડ કહેવાય. પણ કાચા સોનાનો
એ દેશ છે. જંગબારનાં જંગલોનાં હાથીઓનાં હાથીદાંત સોનાના ભાવે હૈ વેચાય. એ હાથીદાંત લેવા ઠેઠ યુરોપના અંગ્રેજો ત્યાં પડ્યા-પાથર્યા રહે.
ત્યાં ગુલામોનો વેપાર ધમધોકાર ચાલે. આફ્રિકાના મૂળ વતની ૪ હબસીઓને ગુલામ તરીકે પકડી જાય. એનાં બજાર ચાલે. એના સોદા – થાય. આ હબસીઓને નિર્દય બનીને પકડવામાં આવે. અણધારી રીતે
હથિયારો સાથે એમનાં ઝૂંપડાંઓ પર દરોડા પાડવામાં આવે. ચાબુકે96 ચાબુકે ફટકારવામાં આવે. સામે થાય એને બંદૂકે છૂંદી દેવામાં આવે.
1 કેડે કટારી, ખભે ઢાલ
