Kahavali Pratham Paricched Pratham Khand

Author(s): Kalyankirtivijay
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 436

[ ३९२]
परिट्ठविओ नियमहिलाए । जीवाविओ एका (क्का) ए गोउलिणीए वेरग्गेण परिव्वायगो जाओ । मओ समाणो उप्पण्णो सेट्ठिपुत्तो । अओ परिणेउं नेच्छइ । सा य गोउलिणी पयईए लोयधम्मनिरया मरिऊणिव वाणियगिणी जाया । अओ 'रमइ मणागमेईए दिट्ठि'त्ति नाऊण सा चेव वर (रि) या बंधूहिं लद्धा सबहुमाणं । किंतु तीसे वि उवरि न तारिसो तस्साऽऽणंदो वियाणिउं चेवमालोचियमिमी ए 'जाईसरो खु एसो, अन्नजम्मंमि कीय वि कयत्थिओ । ता इमं एत्थ पत्तकालं ति चिंतिय समईए विसज्जिया से गाहा 'दड्ढस्स पायसेणं, जुत्तं दहियं पि किमिह परिहरिउं ? | तुच्छोदयसंभविणो, न हि दुद्धे पूयरा हुंति ॥'
भाविऊण य भावत्थं विसज्जिओऽणेण सिलोगो
'अपत्ते रमए नारी, सेले वरिसए घणो । नीयमणुगच्छए लच्छी, पन्नो पाएण निद्धणो ॥'
ती वि भावत्थं भावित्ता विसज्जिया पुणो गाहा
—
—
-
'वाइयदोसो कत्थ वि, न होइ; न हु एत्तिगेण उत्थाउ ( तच्चाओ ) । अणुरतं पहु संझं, किं दियसयरो पणासेइ ?' ॥
—
अवधारिओ भावत्थो । जाओ हिययाणंदो । वियाणियं मणं तीए । हरिसिया चित्तेण । वत्तो वीवाहो। अइक्कंतो कोइ कालो विसयसुहमणुहवंताण । गओ य वणिज्जत्थं सपुत्तो सागरदत्तस्स ससुरो पाडलाहं (लावहं) नाम पट्टणं । सागरदत्तो वि ववहरिउमारद्धो कयाई य पवहणेण गओ परतीरं । देव्वजोगेण सत्तवारे विणट्टं पवहणं । 'अहो अपुत्तो' त्ति खिसिओ लोगेण । असारीहूओ बज्झरिद्धीए । तहा वि न उज्जमं मुंचइ |
—
अन्नया दिट्ठोऽणेण कूविगाए पाणियं क‡तो दारगो । सत्तावारे नाऽऽगयं अट्ठमीए आगयं । तओ चिंतियमणेण – ‘नूणं उज्जमा धणोवायाण हेऊ । बहुसो वि अहुयं इओ चेव हवइ'त्ति बद्धो सउणगंठी । कया सामग्गी । पयट्टो सिंहलदीवं । अवक्खणवाएण अवक्खलियं पवहणं । लग्गं रयणदीवे । वियाणिउं चेमं परिट्ठवियाऽसारभंडं पवहणं भरियं रयणाण । आगच्छंताण य चलियं निज्जामगाण चित्तं । तओ सागरदत्तो पक्खित्तो तेहिं रयणीए समुद्दमज्झे । पुव्वभिन्नवहणफलहजोगेण लग्गो पाडलावहे ।
—
-
I
तत्थ पुण सासुरगमेयस्स । दिट्ठो सालगेहिं । नीओ घरं । भुत्तुत्तरसमए पुच्छिओ वत्तंतं । साहिओऽणेण सब्भावो । सालगेहिं भणियं 'चिट्ठ ताव तुममिहेव कइ वि दिणाणि । जओ तुह बंधुजणासंकाए ते तामलित्तिमगच्छमाणा नूणमिहाऽऽगमिस्संति' त्ति । पडिस्सुयं सागरदत्तेण । निवेइयं रण्णो । ओ जाव कइ वि दियहे अच्छइ ताव आगयं तं पवहणं । पच्चभिन्नायं च लिंगेहिं । निउत्ता तेहिं थाणंतरिया । पत्ता भणति 'किमेत्थ भंडं ? को वा भंडवई ?' पवहणइत्ता वि अन्नाण - लोभेहिं वितहं साहेंता भंड कित्तिमं च भंडवई, संखुद्धा चित्तेण । इंगियागारकुसलेहिं वियाणिया थाणंतरिएहिं । सद्दाविओ सागरदत्तो । समागओ वेलाउलं । दट्टूण चलणेसु निवडिया निज्जामगा 'कयमम्हेहिं अकज्जं । महापुरिसो य तुमं । ता रक्खसु' । मुयाविया सागरदत्तेण । दिन्नं च किं पि उचियं । 'सपुण्णो' त्ति बहुमन्निओ राइणा ।
चिंतियमणेण 'विढत्तं दविणजायं । संपयं विणिओगं करेमि । आढत्तं महादाणं । पुच्छइ