________________
મોક્ષા : વિધિ ! તમારી મૉડલરનો સ્કીન કલર કયો છે ? જો એ સાંવલી છે તો એની ઉપર હળવો રંગ સારો લાગશે, અને જો એ ગોરી છે તો આ ગહરો રંગ એની ઉપર સારો લાગશે. વિધિઃ અરે હા ભાભી ! મેં તો ક્યારેય આ વિચાર્યું જ નહતું કે ડ્રેસનો કલર મૉડલરના સ્કીન કલર પર આધારિત હોય છે.
(બંને મન લગાવીને કામ કરવા લાગ્યા અને અંતમાં એમની ડિઝાઈન તૈયાર થઈ ગઈ. હવે વિધિને પણ મોક્ષાની જરૂરિયાત મહસૂસ થવા લાગી. એ પોતાના મનની દરેક વાત મોક્ષાને કરતી હતી. આખરે ફાઈનલનો દિવસ આવી ગયો. પ્રતિયોગિતામાં વિધિની ડિઝાઈન બધાના ધ્યાનનું કેન્દ્ર બની ગઈ અને વિધિ ‘બેસ્ટ નેશનલ ફેશન ડિઝાઈનર' બની ગઈ. ઘરે આવતાં જ...
વિધિ : ભાભી ! આ જુઓ.
મોક્ષા : વાહ વિધિ ! કેટલી સરસ ટ્રોફી છે. આખરે તું પ્રતિયોગિતામાં જીતી જ ગઈ.
વિધિ : હું નહી ભાભી ! આપણે જીતી ગયા. ખૂબ ખૂબ ધન્યવાદ ભાભી ! તમે મારી આટલી મદદ ન કરી હોત તો કદાચ જ હું આ પ્રતિયોગિતા જીતી શકત.
(આ પ્રમાણે આ પ્રતિયોગિતાના માધ્યમથી વિધિ મોક્ષાની બહુ નજીક આવી ગઈ અને પોતાની કૉલેજના સિવાય પણ જ્યારે પણ કંઈ કામ હોય તો એ મોક્ષાની મદદ લેતી હતી. એટલું જ નહી ઘરના કામમાં પણ એ મોક્ષાને બહુ મદદ કરવા લાગી. મોક્ષા પણ સમય-સમયે એની સાથે સારી વાતો કરવા લાગી, ભૂલ થાય તો સમજાવતી, ધાર્મિક વાતાવરણમાં જોડતી હતી. વિધિ અને મોક્ષા હવે નણંદ-ભાભી કરતા પણ સહેલીઓ જેવી બની ગઈ હતી.
આની વચ્ચે વિધિના માટે સારા-સારા રિશ્તા આવવા લાગ્યા. સારું ખાનદાન, સારો છોકરો, સારા પરિવારને જોઈને એના માતા-પિતાએ વિધિની સગાઈ ‘દક્ષ’ની સાથે કરી લીધી. ‘દક્ષ’ મોક્ષાના પિતરાઈ કાકાનો દિકરો હતો. માટે મોક્ષા પણ દક્ષના સ્વભાવથી સારી રીતે પરિચિત હતી. થોડાક જ દિવસોમાં લગ્નની તારીખ નક્કી થઈ ગઈ. મોક્ષાએ વિધિને સાસરે કેવો વ્યવહાર કરવો જોઈએ એ વિષયમાં સમય-સમય ઉપર બતાવતી. જોતજોતામાં વિધિના લગ્નનો દિવસ નજીક આવી ગયો અને વિધિ હંમેશા માટે એ ઘરથી પારકી થઈ ગઈ. લગ્ન પછી વિધિ પોતાના પતિની સાથે થોડા દિવસ માટે ફરવા ગઈ. હરી-ફરીને આવ્યા પછી થોડાક દિવસો સુધી વિધિએ પોતાના સાસુ-સસરાની સાથે સારું વર્તન કર્યું પરંતુ સહનશીલતાની ઉણપ તેમજ સાસુ-સસરાના નિયંત્રણોથી વિધિનો સ્વભાવ બગડતો ગયો. ઘરમાં અવાર-નવાર ઝઘડા થવા લાગ્યા. આ ઝઘડાઓથી દક્ષની હાલત પણ ખરાબ થતી ગઈ. એ ન તો પોતાની પત્નીનો પક્ષ લઈ શકતો હતો અને ન પોતાની માઁ નો. જેથી વિધિ અને દક્ષની વચ્ચે પણ અવારનવાર મન-મુટાવ થઈ જતો.
156
