________________
છે. ત્યારે સાસુ જ છે કે જે એમની સાથે રહે છે. પરંતુ વિધિએ પોતાના ખોટા વ્યવહાર દ્વારા પોતાના દેવતા તુલ્ય સાસુ-સસરાનો સહારો ગુમાવી દીધો હતો..
આ પ્રમાણે શુભ દિવસ જોઈને સુધીર અને શારદા એ ઘરથી અલગ થઈ ગયા. દક્ષ ઓફિસ ગયા પહેલા અને ઓફિસથી આવ્યા પછી સૌથી પહેલા પોતાના માતા-પિતાને મળવા જતો. એમને કોઈપણ પ્રકારની કોઈ તકલીફ ન થાય એનું પુરું ધ્યાન રાખતો હતો. પોતાના મમ્મી-પપ્પાને માટે તે હંમેશા ફળ-મિઠાઈ લઈ જતો હતો. સાસુ-સસરાના અલગ થઈ ગયા પછી તો વિધિ એક આઝાદ પંખી બની ગઈ હતી. હવે એ મનમાન્યા ઢંગથી ખાઈ-પી શકતી હતી, હરી-ફરી શકતી હતી. માટે એને ઝઘડા કરવાની કોઈ તક જ નહોતી મળતી હતી. શરૂઆતના થોડાક દિવસ તો એ દક્ષની સાથે સારો વ્યવહાર કરતી હતી, કેમ કે એ દક્ષને બતાવવા માંગતી હતી કે પહેલા એના માતાપિતાને કારણે જ એનો વર્તાવ એટલો ખરાબ બન્યો હતો. પણ આખિર હાથી ને નાજુક બંધનોથી બાંધીએ તો એ ક્યાં સુધી ટકશે. એવી જ રીતે ધીમે-ધીમે વિધિનો સ્વભાવ ઉભરવા લાગ્યો. વિધિ બાળપણમાં ભાઈ સાથે ઝઘડી, સ્કૂલ ગઈ ત્યારે પોતાની સહેલીઓ સાથે ઝઘડી. કૉલેજ ગયા પછી ભાભીની સાથે ઝઘડી અને સાસરીયામાં આવ્યા પછી પોતાના સાસુ-સસરાથી ઝઘડીને એમને અલગ મોકલી દીધા. આવા ઝઘડાળુ સ્વભાવને એ ક્યાં સુધી છુપાવી શકતી હતી.
તે પોતાનો અહં તૂટવાથી દક્ષ પણ હવે નાની-નાની વાતોમાં ગુસ્સે થવા લાગ્યો. આ રીતે બંનેમાં મન-મુટાવ વધવા લાગ્યો. એવામાં એક દિવસ વિધિને ખુશ કરવા માટે દક્ષ વિધિના મનપસંદ હીરોના ફિલ્મની ટીકીટ લાવી અને સાથે જ હોટલમાં જ ડીનર કરવાનો વિચાર કર્યો. ત્યારે –
દક્ષ વિધિ ! આજે રાત્રે ૬ થી ૯ની ટિકીટ લાવી છે. સાથે જ રાત્રે ભોજન આપણે તારી મનપસંદ હોટલ તાજમાં જ કરીશું. તું ઠીક ૫.૪૫ વાગે સિનેમા હોલની સામે મેકડોનલની કેન્ટીનમાં મારી રાહ જોજે. વિધિઃ દક્ષ ! ફિલ્મ અને એ પણ આજે એક વાર નક્કી કરતાં પહેલા મને પૂછવું તો હતું કે હું ફ્રી છું કે નહીં? આજે તો મારે બહું જ ઇમ્પોર્ટન્ટ કિટી પાર્ટીમાં જવાનું હતું. ખબર છે એમાં આજે મારી ફોરેનની પણ બધી સહેલીઓ આવવાની હતી અને આ પ્લાન અમે એક મહિના પહેલાં જ બનાવ્યો હતો. હવે હું એમને શું જવાબ આપીશ? દક્ષઃ કમૉન વિધિ ! તુ રોજે તો કિટી પાર્ટીમાં જાય છે, એક દિવસ નહી જાય તો શું ફરક પડી જશે? તારી સહેલીઓને પછી ક્યારે મલી લે છે. પ્લીઝ તારો પ્લાન પછી ક્યારેક બનાવી લેજે. (દક્ષ
ઓફિસ જતો રહ્યો) વિધિ: ઠીક છે દક્ષ ! તમે આટલી જીદ કરો છો તો હું કિટી પાર્ટી કેન્સલ કરું છું. (એણે પોતાની સહેલીઓને ફોન લગાવ્યો)
161)
