________________
પણ કોઈ આવી રીતે પ્રેમ કરે. આ દશ્ય જોઈને હું સમજી ગઈ છું કે બધા પુરૂષો ક્રૂર નથી હોતા. માટે મેં લગ્ન કરવાનો ફેંસલો કરી લીધો છે. સખી! તમે મારા માતા-પિતા સુધી આ સમાચાર પહોંચાડી
આ વાતને એક સપ્તાહ વીતી ગયું. સુનંદા રોજે જ ઝરૂખામાં બેસીને રાજમાર્ગથી ગુજરવાવાળા યુવકોને જોઈને પોતાનું મન બહેલાવતી. એક સંધ્યાએ એજ નગરના કોટશ્વર શેઠ વસુદત્તના ચાર પુત્રોમાંથી બધાથી નાના પુત્ર રૂપન રાજમહેલના સામેવાળી પાનની દુકાન ઉપર પાન ખાવા આવ્યો. સુનંદાની દૃષ્ટિ રૂપસન ઉપર પડી અને યોગાનુયોગ રૂપસેનની દૃષ્ટિ પણ સુનંદા ઉપર પડી. એને ઓળખતાં વાર નહીં લાગી કે આ રૂપની રાણી રાજકુમારી સુનંદા છે. તે મનમાં ને મનમાં સુનંદાને મેળવવાના સપના જોવા લાગ્યો. અને અહીંયા રૂપસેનના મનમોહક રૂપને જોઈને સુનંદા પણ એજ સમયે આસક્ત થઈ ગઈ. તરત જ એણે પોતાની સખીને આ નવયુવકનો પરિચય લાવવાનું કહ્યું. સખીએ પૂછપરછ કરીને સુનંદાને બતાવ્યું કે “આ નગરશેઠનો નાનો પુત્ર રૂપસેન છે.” પોતાના મનોભાવને વ્યક્ત કરવા માટે સુનંદાએ એક પત્ર લખીને પોતાની સખીના હાથે રૂપસેન સુધી પહોંચાડ્યો. રૂપસેને એકાંતમાં એ પત્ર વાંચ્યો.
પ્રિયતમ !
પહેલી વખત જોતાં જ હું આપને મારું દિલ દઈ બેઠી છું. કદાચ આપ પણ મારા જ ખ્યાલોમાં ખોયેલા હશો? જો આપ રૂપના સાગર છો તો હું સૌંદર્યની સરિતા છું. જે દિવસે સાગર સરિતાનું મિલન થશે એ દિવસ આપણું અહોભાગ્ય માનવામાં આવશે. હું ચાહું છું કે પ્રતિદિન આ સમયે આપ મને અહીં આવીને અવશ્ય દર્શન આપો. હું ચકોરની જેમ ચંદ્ર સમ આપની રાહ જોઈશ. જો આપે મને દર્શન નથી આપ્યા તો હું અન્ન-જળનો ત્યાગ કરી દઈશ.
આપની યાદમાં તડપતી.... સુનંદા પત્ર વાંચતા જ રૂપસેન આનંદિત થઈ ઉઠ્યો. એને લાગ્યું કે અનાયાસ જ આ સુંદર અવસર હાથ આવી ગયો. એણે પણ એક પ્રેમપત્ર લખીને સુનંદાની અંતરંગ સખીને આપી દીધો. સખી પત્ર લઈને સુનંદાની પાસે આવી અને પત્ર સુનંદાને આપ્યો. સુનંદાએ પત્ર ખોલીને વાંચવાનો આરંભ કર્યો.
પ્યારી – પ્યારી પ્રિયતમા !
આજે હું વિધાતાને ધન્યવાદ આપવા માંગુ છું કે એમણે તમારા જેવી સૌંદર્યની સામ્રાજ્ઞી મારા માટે બનાવી. વાસ્તવમાં તમે સૌંદર્યની સરિતા છો, પ્રેમની પ્રતિજ્ઞા છો, કોમળતાની કવિતા છો, તમને મેળવીને હું ધન્ય બની જઈશ. તમારો પત્ર મળ્યા પછી મારી હાલત જલ વિના માછલીની જેવી થઈ ગઈ છે. હું તમારું મિલન ઈચ્છું છું. ખબર નહીં વિધાતા આપણું મિલન ક્યારે કરાવશે? હું પ્રતિદિન સંધ્યાએ પોતાની ચકોરીને મળવા ચંદ્ર બનીને પાનની દુકાન પર જરૂર આવીશ.
તમારા મિલનનો ઈચ્છુક... રૂપસેન * (32)
