Jain Adarsh Prasango Part 03

Author(s): Bhadreshwarvijay
Publisher: Bhadreshwarvijay

Page 4

ના પ્રસંગો ભાગ - 3 | 1. શ્રીમંત વૃદ્ધ દીક્ષા લીધી અમદાવાદના દીપકલાવાળા દીપકભાઇને ઘણાં ઓળખે છે. એક સગૃહસ્થ સંસાર નિવૃત્તિનો સંકલ્પ કરી નિવૃત્તિ લીધી, એ લેખ વાંચી 25 વર્ષે એમણે દ્રઢ સંકલ્પ કર્યો કે મારે 60 વર્ષે નિવૃત્ત થવું ! એ 60 વર્ષે ખરેખર નિવૃત્ત થઈ ગયા. આ પુણ્યાત્મા જે સારું જુવે, સાંભળે, વાંચે તે કરવાનું મન થઇ જાય. કોઇ ધર્મીએ પ્રેરણા કરી કે રજાને દિવસે તો પૂજા કરો. તો શરુ કરી દીધી. બાળપણમાં વર્ષાદાન કરતા જોઇને તેમને પણ ભાવના થઇ કે આમ મારે પણ ઘોડે ચડી કરવું ! 60 વર્ષ પછી ધર્મ કરતા દીક્ષાની ભાવના વધતી ગઈ. કેટલાક કાળે નિશ્ચય કરી પરિચિત આચાર્ય ભગવંત વગેરેને પ્રાર્થના કરી. પણ વૃદ્ધાવસ્થાને કારણે તેઓએ ના પાડી. છતાં અંતરની ભાવના કેવી દ્રઢ કે અપરિચિત પ. પૂ. આ. શ્રી ભુવનભાનુસૂરીશ્વરજી મ. પાસે ગયા. રહ્યાં. નિશ્ચય કર્યો. પૂ. આ. શ્રીને વિનંતી કરી. પૂ. શ્રી એ ઉદારતાથી હા પાડી. પણ પાપોદયે શારીરિક તકલીફો વધતાં ડોક્ટરોએ તથા કુટુંબીજનોએ ના પાડી. છતાં પોતે હિંમત કરી 68 વર્ષની જૈફ વયે સાધુ બન્યા ! 14 વર્ષથી સુંદર સાધના કરી રહ્યાં છે. હે ભવ્યો! આજના કલિકાળમાં પણ આવા કરોડપતિ અને વૃદ્ધ આત્માઓ હિંમતથી સ્વહિત સાધે છે તે સાક્ષાત્ જોવા મળે છે. તમે પણ યથાશક્તિ ધર્મ કરી આત્મહિત સાધો. આ દીપકભાઇ જૈન આદર્શ પ્રસંગો-૩] [100]